RYHPACHANEINA 12:30 - Mara Bible RV (BSI)

³⁰ nama hmiakô liata pahleipadiapa ta ama ypa hawhna khata, âmo lâpi a chhihpa ta namâ ao hra lei nawpa ta a vaih u la, ‘He phopizy heta kheihta ma ama khazohzy ama chakao tly? Âmo taozie hawhta kei chhao ei tao hra aw,’ tahpa ta ama khazohzy kyh hiahri khuh vy.

RYHPACHANEINA 12:30 ပူးပေါင်းရင်းမြစ်များ

2 ABEIZY 16:10

Bei Ahâza cha Asuria bei Tikalâpilesa a hmô awpa ta Dâmaskâ lâ sie ta, Dâmaskâ liata maisâh a ypa kei hmô ta. Bei Ahâza ta maisâh nothlahpa nata ama taonaziezy cha â kipa ta theihthaipa Uria lâ paphao ta.

2 ABEIZY 17:15

Ama pathlatuhpazy hnohta bieraopa nata biehrai a taopazy nata zikyurâna a piepazy cha tlyhnypa ta, nothlahpa hraoleipazy pangai ei ta, âmo chhao hraoleipa ama châ haw. Abeipa ta ama taozie hawhta tao lei awpa ta bie a vaw pie hapa, ama chheipâh liata phopizy taozie ama zi lymâ.

PUASAINA 23:24

Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

ZEREMIAH 10:2

Abeipa ta hetana heta a tah: “Râh hropazy hrozie a chu leipa u la, Avâ liata ngiana vâta râhzy thlazohpa ta ama y nota, Nâmo la thlazohpa ta y hra khuh vy.

EZEKIA 11:12

Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 20:32

“Nama palôh liata, ‘Phopizy hawhta y sih la, râhzy liata chiphozy hawhta y hrapa ta, tho nata lô zy a chhy ei suh u,’ nama tah. Nama pachâpa hawhta vaw y beih aw vei.

THEIHTHAINA 18:3

Nama vaw pahrâna Izi râh liata ama taozie hawhna khata nama tao awpa châ leipa ta, ei cha tlôkhei awpa su Kâna râh liata ama taozie hawhta nama tao awpa châ hra vei. Ama bieraopazy nama zyh awpa châ vei.

THEIHTHAINA 18:30

Chavâta hmo pasichhihpa phoryhpa, nâmo y hlâta he râh liata a vaw y tuapa phopizy ta ama taopazy kha nama tao hra lei nawpa ta, ei biepiepa he zyh u la, cha hmozy liata a papuapalei khuh vy. Kei he Abeipa nama Khazohpa ei châ,” tah ta.

MALUHREINA 33:52

a râh chyhsa zydua nama hmiakô tawhta nama papua khai awpa a châ. Ama lô nothlahpa zydua parao khai aw ei chi ta, ama thua nothlah leihpa zydua chhao parao khai aw ei chi ta, ama su sâhpa zydua nama phie khai aw.

RAWMA 12:2

He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

RYHPACHANEINA 11:16

A vaih teh u, chataleipatala nama palôh dôveipa ta y aw ta, tlei aw ei chi ta, khazoh hropazy chakaopa ta namâ chhy pathlei aw.

RYHPACHANEINA 12:29

“Pho awpa ta nama siehnaopa phopizy cha, Abeipa nama Khazohpa ta nama hmiakô liata chhawh pathlahpa ta, âmo cha pho ei ta ama râh liata nama pahrâ tita,

RYHPACHANEINA 12:31

Abeipa na Khazohpa cha âmo taozie hawhta namâ chhy awpa châ vei. Ama khazohzy amâ chhyzie liata, Abeipa ta â haopa hmo pasichhihpa to tao ei ta, ama sawchapawzy nata ama sawchanôzy taih mei liata raopa ta ama khazohzy lâta ama hlâ tyh.

RYHPACHANEINA 18:9

“Abeipa nama Khazohpa ta râh a cha piepa ei nama tlô tita, cha râh liata phopizy taozie pasichhihpazy nama tao awpa châ vei.

RYHPACHANEINA 20:18

Chataleipatala ama khazohzy amâ chhyna liata hmo pasichhihpa ama taopa zydua tao hra awpa ta cha pachu aw ei ta, Abeipa nama Khazohpa chô liata nama molei pathlei aw.

RYHPACHANEINA 7:16

Abeipa nama Khazohpa ta nama ku liata a cha pie awpa phopi zydua nama pahleipadia khai awpa a châ. Ngiachhiena mokhaoh ta âmo cha nama moh awpa ei châ leipa ta, ama khazohzy nama chakao awpa châ vei. Cha cha na châta khoheih a châ aw.