RYHPACHANEINA 12:23 - Mara Bible RV (BSI)

²³ Thisaih deikua cha a nie rai ta nama nie awpa châ vei. Thisaih cha hrona châ ta, hrona cha sa nata nama nie pâ awpa châ vei.

RYHPACHANEINA 12:23 ပူးပေါင်းရင်းမြစ်များ

ÂTHAONA 9:4

Sa deikua cha, a thisaih chhaota nama nie awpa châ vei, thisaih cha hrona a châpa vâta.

EZEKIA 33:25

Chavâta ama hnohta reih teh, Abeipa Zehôvâh ta hetana heta a tah: A thisaih chhaota sa nie ei chi ta, nama khazoh nothlahpazy lâ nama mozy uahnaohpa ta, thisaih nama palo tyh. Kheihta ma ei râh cha nama hnei thei aw?

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 17:11

Sapa hrona cha thisaih liata y ta, cha cha nama hronazy chatlai nawpa ta, maisâh liata ei cha pie ei. Thisaih cha hrona châ ta, hrona chatlaina a tao theituhpa cha thisaih a châ.

THEIHTHAINA 19:26

“A thisaih chhaota khâpa hmah nama nie awpa châ vei. Dyuzy nama tao awpa châ leipa ta, pachaopazy nama hmâ awpa châ vei.

THEIHTHAINA 7:26

Cha hleikhô ta, nama pahrâna lia maihta, kheihawhpa thisaih rai, pavaw thisaih tlyma, sa thisaih tlyma, nama nie cheita awpa châ vei.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

HMOTAOPAZY 15:20

Âmo lâ châ paphao sih la, nothlahpa achhyna hmo pathaih leipa niepa, apatlapa, paaosaopa nata thisaih niepa zy tao khao leipa ta bâhsai awpa ta chho ei sih la, â daihpa ta ei pahno.

RYHPACHANEINA 12:16

Thisaih deikua nama nie awpa châ vei. Ti hawhta alei liata nama patlai awpa a châ.

RYHPACHANEINA 12:22

Zuneihpa sa nata sakhih sazy nama niepa hawhta nie aw chi ta, sa pathaih leipa nata pathaihpa nama nie thei khai aw.

RYHPACHANEINA 12:24

Thisaih nama nie awpa châ vei. Thisaih cha ti hawhta alei liata nama patlai awpa a châ.

RYHPACHANEINA 15:23

A thisaih deikua nama nie awpa châ vei. Ti hawhta alei liata nama patlai awpa a châ.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

1 SAMUELA 14:32

Pheisaihzy ta ama hraona hmo cha a zawhnao ei ta, mietakuzy, viahchao tôhpazy, viahchao tawzy patu ei ta, alei liata thie ei ta, a thisaih chhaota nie ei ta.

1 SAMUELA 14:33

“Moh tua, pheisaihzy ta thisaih chhaota niepa ta Abeipa chô liata hmo ama parao ha huh,” tahpa ta Sawla cha chho ei ta. Sawla ta, “Piehpie ngaitapa ta hmo nama tao haw. Tahmâ alô laipa thlai na vaw pahluapa teh u,” tah ta.