RYHPACHANEINA 12:18 - Mara Bible RV (BSI)

¹⁸ Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:18 ပူးပေါင်းရင်းမြစ်များ

HLAZY 32:11

Hy mosiapazy saih u, Abeipa liata a lypa nata thaphapa ta y u la, Hy nâmo, palôh dopazy saih u, Thaphapa ta rahao teh u!

HLAZY 68:3

Mosiapazy deikua cha thaphapa ta, Khazohpa hmiakô liata palôhtlâhpa ta y aw ei ta, A ly ngaitapa ta ama rahao aw.

BIESOZY 3:17

A lâpizy cha lâpi khochhihpazy châ ta, A lâthlôh zydua cha thlalôhna lâthlôh a châ.

BIECHHOTUHPA 3:12

A ly ngaitapa ta y ta, ama hro chhôh zydua hmo phapa taopa hlâta a pha viapa y vei tahpa ei pahno haw.

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

ISAI 12:3

Pachhana tikhaohzy tawhta, Thaphapa ta ti thaih aw ei chi ta,

HMOTAOPAZY 16:34

Lyuhchâpazy cha a o lâ a chhi ta, âmo châta pati taopa ta, Khazohpa amâ ngiapâ hapa vâta ano nata a chhôhkha zydua ta a ly ngaita ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

RYHPACHANEINA 12:14

Nama raopa hlânazy cha, nama chizy hry tawhta Abeipa ta â tlyh awpa chi pahrâna su liata hlâ tyh aw ei chi ta, cha liata nama hnohta ei biepiepa zydua nama tao tyh aw.

RYHPACHANEINA 12:19

Nama râh liata nama pahrâ chhôh ta, Livai chi pathlua lei awpa ta a vaih teh u.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 14:23

Abeipa nama Khazohpa china châh nama pahno lymâ thei nawpa ta, nama sâh, nama kresawhti, nama sathaw nata nama viahchao hri nata nama mietaku zaw hry liata a pataw tua chaipazy tawhta su hrawh su kha cha, Abeipa nama Khazohpa ta a moh y nawpa ta â tlyh awpa su liata, ano hmiakô liata nama nie tyh aw.

RYHPACHANEINA 15:20

Sahroh chapawpa a pataw tuapazy cha, nâmo nata nama chhôhkhazy ta Abeipa ta su â tlyh awpa liata, Abeipa nama Khazohpa hmiakô liata kô chareih nama nie tyh awpa a châ.

1 SAMUELA 1:4

Atheihna a hlâ noh liata, Elkânâ ta a lapinô Peninâ nata a sawchapaw nata a sawchanô zydua cha sa vyuh kha chyu pie tyh ta.