RYHPACHANEINA 12:12 - Mara Bible RV (BSI)

¹² Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:12 ပူးပေါင်းရင်းမြစ်များ

1 ABEIZY 8:66

A noh chariena noh ta zawpizy cha papaisa ta, abei cha byhnâ awpa ei ta, Abeipa ta a chakaotuhpa Dâvi nata a phopi Izarei chô liata phana a palâsapa zydua vâta, a ly ngaitapa nata palôh tlâh ngaitapa ta ama o chyu lâ amâ di haw.

2 THÂTIHZYRONA 29:36

Ama pangiasa leipa ta, eikhapi ta hmo vaw y ta, Khazohpa ta zawpizy châta â chhuanohpa hmozy vâta, Hezekia nata zawpi zydua cha amâ ly ngaita.

NEHEMIAH 8:9

Ryhpa biezy ama thei nahta, zawpi zydua thata cha ei ta. Râhvaotuhpa Nehemiah, theihthaipa nata chârohtuhpa Ezrâ nata zawpi pachutuhpa Livai pathlazy ta zawpi zydua hnohta, “Tanoh he Abeipa nama Khazohpa châta noh pathaihpa a châ hih. Chavâta mâchhiesa leipa u la, cha hra khuh vy,” tah ei ta.

HLAZY 147:1

Abeipa cha reithai teh u! Eima Khazohpa reithaipa ta hla sapa cha pha ta, Kho â chhih ngaita; Reithaina hla hlâ awpa cha, Tao awpa tlai a châ.

THEIHTHAINA 23:40

A noh khana noh ta tho phapa theizy, thiahrâ kuahzy, thochiah buh phapa nata chavah liata râbuhzy a chaba aw ei chi ta, Abeipa nama Khazohpa hmiakô liata noh sari chhôh thaphapa ta nama y aw.

MALUHREINA 18:20

Abeipa ta Arawna hnohta, “Ama râh liata ryuto hnei leipa aw chi ta, ama hry liata tovyuh hnei hra aw va chi. Izarei sawzy hry ta na tovyuh nata na ryuto cha kei he ei châ.

MALUHREINA 18:26

“Cha dei châ leipa ta, Livai pathlazy chho la, ama hnohta, ‘Nama ryuto châta Izarei sawzy su hrawh su kha ei cha piepa ei âmo tawhta nama dao tita, cha su hrawh su khapa tawhta su hrawh su kha Abeipa lâ nama hlâ pachhuah heih awpa a châ.

ZAWHÂNA 13:8

Pity ta a hnohta, “Ei phei pasi beih aw va chi,” tah ta. Zisu ta a chhy ta, “Ei cha pasi vei khiahta la, kei liata tovyuh hnei va chi,” tah ta.

HMOTAOPAZY 8:21

Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

RYHPACHANEINA 10:9

Chavâta Livai cha a unawhzy hry liata tovyuh nata ryuto hnei vei. Abeipa nama Khazohpa ta a hnohta a reipa hawhta, Abeipa cha a ryuto a châ.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:19

Nama râh liata nama pahrâ chhôh ta, Livai chi pathlua lei awpa ta a vaih teh u.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 16:14

Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.

RYHPACHANEINA 18:6

“Livai chi pakha ta Izarei râh liata a pahrâna khih puasaipa ta, palôh khona hmeiseihpa ta Abeipa ta â tlyh awpa su lâ â vy khiahta cha,

RYHPACHANEINA 26:11

Chatanachata Abeipa nama Khazohpa ta nâmo nata nama pathlazy hnohta hmo phapa a cha piepa ei liata, Livai chi nata nama hry liata chihropa a ypazy chhaota thaphapa ta nama y aw.

RYHPACHANEINA 26:12

“Kô thôhna kô, su hrawh su kha piena kô liata, kô veihpa zydua tawhta su hrawh su kha soh aw ei chi ta, nama yna khih liata Livai chi a ypazy, mapaihpazy, paw hnei leipazy nata nôhmeizy ta nie ei sala, rihbiepa ta ama y thei nawpa ta nama pie aw.

RYHPACHANEINA 27:7

Aryhna hlâna atheihnazy hlâ aw ei chi ta, cha liata nie aw ei chi ta, Abeipa nama Khazohpa hmiakô liata thaphapa ta nama y aw.

ZAWSUA 13:14

Livai chi deikua cha Mawsi ta ryuto râh pie vei. Abeipa ta Mawsi hnohta a vaw rei hapa hawhta, Livai ryuto awpa cha Abeipa Izarei Khazohpa lâta mei ta hmohlâpazy a châ.

ZAWSUA 13:33

Livai chi deikua cha, Mawsi ta ryuto râh pie vei. Abeipa ta ama hnohta a rei hapa hawhta, Abeipa, Izarei Khazohpa cha ama ryuto a châ.

ZAWSUA 14:4

Zawsi pathlazy tawhta Manase nata Epharai tahpa ta chi no ta ama pua hapa vâta, Livai pathlazy cha râh to hra leipa ei ta, ama pahrâ nawpa châta khihpizy nata ama sahrohzy lao pabâsa nawpa châta khihpi chheipâh sibiepa râhzy piepa tlao ama châ.