RYHPACHANEINA 12:11 - Mara Bible RV (BSI)

¹¹ Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:11 ပူးပေါင်းရင်းမြစ်များ

1 ABEIZY 12:27

He phopi heta Zerusale liata Abeipa Achhyna o liata atheihnazy hlâ awpa ta ama khy khiahta cha, he phopi palôh he ama zibeipa Zudâh bei Rehôbaw lâ a heih heih aw ta, kei he na thie aw ei ta, Zudâh bei Rehôbaw lâ amâ palie heih thei ngyu aw,” tah ta.

1 ABEIZY 8:13

Na chhâzaw pahrâna su châta, O rônahpa ei cha sapa haw,” tah ta.

1 ABEIZY 8:16

Abeipa ta, ‘Izi râh tawhta ei phopi Izarei ei chhi papua noh tawhta, ei moh y nawpa o sa nawpa su châta, Izarei chizy hry liata kheihawhpa khih hmahta a tlyh beih va na. Châhrasala ei phopi Izarei hyutuhpa châta Dâvi cha ei tlyhpa a châ,’ tah ta.

1 ABEIZY 8:29

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 ABEIZY 18:22

‘Keimo la Abeipa eima Khazohpa na eimâ ngâchhâ,’ nama tahpa chhao ta, ano cha Hezekia ta Zudâh râhsawzy nata Zerusale khihsawzy hnohta, ‘Zerusale liata he maisâh hmiakô lia deita ta namâ chhy awpa a cha,’ tah ta, a su sâhpazy nata a maisâhzy a parao khai hapa kha châ vei ma?

1 THÂTIHZYRONA 22:1

Dâvi ta, “He su liana heta Zehôvâh Khazohpa o y aw ta, he su liana heta Izarei châta raopa hlâna maisâh a y aw,” tah ta.

2 THÂTIHZYRONA 6:20

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

2 THÂTIHZYRONA 7:12

Sawlawmaw hnohta zâ ta Abeipa a vaw luah ta, a hnohta, “Na thlahchhâna thei na ta, he su he keima châta atheihna o ta ei rao hawh.

EZRÂ 6:12

Biepiepa he panano awpa ta tlyma, Zerusale liata Khazohpa o parao awpa ta tlyma, a ku a hypa abei tlyma, phopi tlyma cha, cha liata a moh a paysatuhpa Khazohpa ta ano cha parao mawh sy. Kei Dâria ta biepiepa he ei papua. Phahnai ngiah ngaitapa ta zyh awpa a châ,” tah ta.

HLAZY 100:2

Alyna chôta Abeipa chakao u la, Hla sana chôta a hmiakô liata a vy teh u!

HLAZY 116:17

Alyna bierei atheihna cha vaw hlâ aw na ta, Abeipa moh cha ei pado aw.

HLAZY 66:13

Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw.

HLAZY 78:68

Zudâh chi tlao a tlyh ta, A kyhpachâpa Zaio Tlâh tlao â tlyh haw.

PUASAINA 25:8

Supathaihpa na taopa mawh ei sy, chatanachata ama hry liata ei pahrâ aw.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

ZEREMIAH 7:12

Ei moh ei vaw paysa tuana Silô liata keima su lâ vawh u la, ei phopi Izarei moleina vâta a chô liata hmo ei taopa kei moh teh u.

THEIHTHAINA 17:4

Abeipa achhyna byureih hmiakô liata Abeipa lâta hmohlâpa ta hlâ awpa ta, ahmaohna poh o chhikao liata a vaw cheih leipa cha, thisaih a palopa ta pachâpa châ aw ta, a chô liata thisaih maoh a y aw. Cha chyhsa cha a phopi tawhta chhawh pathlahpa a châ aw.

RYHPACHANEINA 12:13

Nama raopa hlânazy cha, su rypaohpa nama hmôpa maih liata hlâ thlâh lei awpa ta a vaih teh u.

RYHPACHANEINA 12:14

Nama raopa hlânazy cha, nama chizy hry tawhta Abeipa ta â tlyh awpa chi pahrâna su liata hlâ tyh aw ei chi ta, cha liata nama hnohta ei biepiepa zydua nama tao tyh aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:21

Abeipa nama Khazohpa ta a moh y nawpa ta â tlyh awpa su nata namâ hla tu khiahta cha, nama hnohta ei biepiepa hawhta, Abeipa ta a cha piepa ei nama viahchao hri nata mietaku zaw hry liatapa thie aw chi ta, nama khona daihti maihta nama khih liata nama nie thei aw.

RYHPACHANEINA 12:26

Nama hlâ awpa hmo pathaihpazy nata pie awpa ta bie namâ taihpazy deikua cha cheih aw chi ta, Abeipa ta su a rao awpa lâ nama sie aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 14:23

Abeipa nama Khazohpa china châh nama pahno lymâ thei nawpa ta, nama sâh, nama kresawhti, nama sathaw nata nama viahchao hri nata nama mietaku zaw hry liata a pataw tua chaipazy tawhta su hrawh su kha cha, Abeipa nama Khazohpa ta a moh y nawpa ta â tlyh awpa su liata, ano hmiakô liata nama nie tyh aw.

RYHPACHANEINA 15:19

“Nama viahchao hri nata nama mietaku zaw hry liata a chapawpa a pataw tuapa maih cha, Abeipa nama Khazohpa châta nama panano awpa a châ. Nama viahchao hri liata a chapawpa a pataw tua chaipa cha, rai nama pahriasa awpa châ leipa ta, nama mietaku zaw hry liata a chapawpa a pataw tua chaipa hmi chhao nama ngyu awpa châ vei.

RYHPACHANEINA 15:20

Sahroh chapawpa a pataw tuapazy cha, nâmo nata nama chhôhkhazy ta Abeipa ta su â tlyh awpa liata, Abeipa nama Khazohpa hmiakô liata kô chareih nama nie tyh awpa a châ.

RYHPACHANEINA 17:8

“Thisaih a palona kyh tlyma, kheihawhpa vâta leihna kyh tlyma, atudaina kyh tlyma, nama yna khih liata biepeipa kheihawhpa rai châ sala, nâmo pachia awpa biepeipa rupa nama hnohta ama vaw tlôkhei khiahta cha, thyu aw ei chi ta, Abeipa nama Khazohpa ta â tlyh awpa su lâ nama sie aw.

RYHPACHANEINA 18:6

“Livai chi pakha ta Izarei râh liata a pahrâna khih puasaipa ta, palôh khona hmeiseihpa ta Abeipa ta â tlyh awpa su lâ â vy khiahta cha,

RYHPACHANEINA 23:16

A pahrâ khohna khih liata nama hry liata y aw ta, nama tlybai awpa châ vei.

RYHPACHANEINA 26:2

Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.

RYHPACHANEINA 31:11

Izarei saw zydua Abeipa nama Khazohpa ta su â tlyh awpa liata a hmiakô liata amâ vaw luah tita, he ryhpa he Izarei saw zydua theipa ta nama reih awpa a châ.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

ZAWSUA 22:11

Chyhsazy ta, “Rubena pathlazy, Kâdâ pathlazy nata Manase chi khophiezy ta Kâna râh tytua Zawdâh kao, Izarei sawzy râh liata maisâh ama tao,” tahpa ta ama reipa Izarei sawzy ta thei ei ta.

ZAWSUA 22:16

“Abeipa phopi manôh zydua ta hetana heta ama tah, ‘Khazia Izarei Khazohpa chô liata hmo nama parao? Tanoh he Abeipa nama pazina tawhta tleisai a chhuahpa ta maisâh a tao ei chi ta, tanoh he Abeipa namâ dyuh hih.

ZAWSUA 22:23

Abeipa eima pazipa tawhta tleisai nawpa ta eima châta maisâh a taopa eima châ khiahta nata cha liata raopa hlâna tlyma, niepa hlâna tlyma, aryhna hlâna atheihna tlyma hlâ nawpa ta a taopa eima châ khiahta cha, ano Abeipa tlai ta viari miah thô mawh sy.

ZAWSUA 22:27

keimo nata nâmo nata keimo hnôhlâ ta eima pathlazy likah liata pahnokheituhpa châ aw ta, chatanachata eima raopa hlânazy, atheihnazy nata aryhna hlânazy ta Abeipa cha a hmiakô liata chakao thei aw pi ta, chhâ vaw y awpa liata nama pathlazy ta eima pathlazy hnohta, “Abeipa liata tovyuh hnei veih ei chi,” ama tah lei nawpa ta,’ tahpa ta eima taopa a châ.

ZAWSUA 22:29

Abeipa a dyuh chachei leipa pi ta, Abeipa eima pazipa tawhta tleisai tiarâh ma pi. Abeipa achhyna byureih hmiakô liata Abeipa eima Khazohpa maisâh tah leipa ta, raopa hlâna châta tlyma, niepa hlâna châta tlyma, atheihna châta tlyma, maisâh tao cheita ma pi,” tah ei ta.

ZAWSUA 9:27

Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.

1 SAMUELA 1:21

Cha chyhsa Elkânâ cha, kô chareih ta atheihna hlâ tyhpa Abeipa lâ hlâ awpa nata a bietai patlô awpa ta, a chhôhkha zydua chhaota khy ta.