RYHPACHANEINA 11:8 - Mara Bible RV (BSI)

⁸ “Chavâta thatlôpa ta ypa ta, hnei awpa ta nama pangaipa râh cha nama hnei thei nawpa ta, tanoh ta biepiepa ei cha piepa zydua he nama zyh khai awpa a châ.

RYHPACHANEINA 11:8 ပူးပေါင်းရင်းမြစ်များ

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

DÂNIAH 10:19

Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

EPHESI 3:16

A rônahna hneirôh ngaitazie hawhta, Khazohpa ta a Thlahpa zawhzi ta nama chhôh lâ hro tha a cha patlô thei nawpa ei ta, thlah ei cha chhâpa ei.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

RYHPACHANEINA 11:7

nâmo, nama mo tlai ta Abeipa hmo rônahpa taopa zydua a hmôtuhpazy hnohta ei reipa a châ.

RYHPACHANEINA 28:47

Hmo to ativyna daihti liata Abeipa nama Khazohpa cha alypa nata thaphapa ta nama chakao leipa vâta,

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

RYHPACHANEINA 4:14

Cha daihti liata, hnei awpa ta nama pangaipa râh liata nama tao awpa bieraopa nata pachianazy cha pachu awpa ei ta, Abeipa ta bie eina pie.

PHILIPI 4:13

Tha nâ patlôtuhpa Krista liata ato ei tao thei.

KAOLAOSÂ 1:11

Tiamana nata pasataona liata a ly kawpa ta nama tao thei nawpa ta, a thatlôna rônahpa liata hmotaotheina zydua hmâpa ta tha a cha patlô aw ei.