RYHPACHANEINA 11:21 - Mara Bible RV (BSI)

²¹ chatanachata alei chô lâta avâ a y chhôh zydua cha, châ pathlatuhpazy hnohta pie awpa ta Abeipa ta bie â taihpa râh liata, nâmo nata nama pathlazy châta nama hro nohzy a pasisa aw.

RYHPACHANEINA 11:21 ပူးပေါင်းရင်းမြစ်များ

HLAZY 72:5

Noh a y chhôh zydua ta cha chi ei sala, Thlâpâ y chhôh zydua cha chipa ta, Chhâ zydua ta cha chi mawh ei sy!

HLAZY 89:30

A sawzy ta ei ryhpa siesai ei sala, Ei bie pachiapazy a chhih leipa ta,

BIESOZY 3:16

A ku chachâh lâta hro pasina y ta, A chavei lâta hneirôna nata zachhihna a y.

BIESOZY 3:2

Hro pasina cha pie aw ta, Kô hluhpi cha pahrosapa ta, Thlalôhna a cha pie aw.

BIESOZY 4:10

Ei sawchapawpa y, nathlie la, ei biezy a pyh mah y; Chatanachata na chhâ a pasi aw.

BIESOZY 9:11

Na nohzy pasisa aw na ta, Na hro chhôh kôzy ei baichha aw.

ISAI 65:20

Cha liata hawsaih thina y khao leipa aw ta, Chhâ a palo leipa ta a thipa y khao aw veih ei. Kô za kha ta a thipa cha, Thyutlia daihti ta a thipa hawhta pachâpa châ aw ta; Kô za kha a tlô leipa cha, Chhiesa thlupa moleipa hawhta pachâpa a châ aw.

RYHPACHANEINA 11:9

Chatanachata Abeipa ta châ pathlatuhpazy nata ama pathlazy hnohta pie awpa ta bie â vaw taihpa râh, sâhpiti nata kheihti lona râh liata bohpi nama pahrâ thei aw.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 5:16

“Abeipa na Khazohpa ta bie a cha piepa hawhta, na nô nata na paw palyupalih teh. Chatanachata Abeipa ta râh a cha piepa liata vânoh to aw chi ta, na hro a pareih aw.

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

BIEPHUAH 20:6

Thyuheihna eikhana liata a hlaopazy cha nohlao ei ta, ama pathaih. Thina einona ta ama chô liata biehnei khao aw vei. Khazohpa nata Krista theihthaipazy châ aw ei ta, a hnohta kô sâh kha ryu ama reih aw.