RYHPACHANEINA 11:2 - Mara Bible RV (BSI)

² Tanoh pachâ tua u. Abeipa nama Khazohpa chhoreina, a rônahna, a ku thatlôpa nata a bâh pazawhpa zy kha pachâ tua u. A pahno leipa nata a hmô leipa nama sawzy hnohta ei reipa châ vei.

RYHPACHANEINA 11:2 ပူးပေါင်းရင်းမြစ်များ

HLAZY 136:12

Ku thatlôpa nata bâh pazawhpa ta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

BIESOZY 22:19

Abeipa na ngâ thei nawpa ta, Chazy cha tanoh cha pahnosa na ta, Nâ lia tlai ta ei cha pahnosa haw.

ISAI 53:5

Châhrasala ano cha, Eima moleinazy vâta hmah phaohpa ta y ta, Eima paraonazy vâta thi padôhpa ta a y; Eima thlalôh nawpa ta, Chhoreina a chô liata tlu ta, Ama chheina hreichheihpazy ta Patlâhpa ta eima y haw.

HMOTAOPAZY 26:22

Châhrasala Khazohpa tawhta baona ei hmôpa vâta, tanoh taihta a châhkhei lymâ thei na ta, he liata chhao a duah na ta, chyhsa nawhpazy nata molaipazy hmiakô liata ei châhkhei theipa he a châ. Hrohsopazy nata Mawsi ta a vaw tlô awpa ama reipazy dei leipa ta, bie hropa khâpa hmah reih va na.

RYHPACHANEINA 29:10

Tanoh nama zydua ta Abeipa nama Khazohpa hmiakô liata a duah ei chi ta, nama chi pawhrâhpazy, nama machâzy, nama sawhkhâ molaipazy, Izarei chapaw zydua,

RYHPACHANEINA 3:24

‘Hy Abeipa Zehôvâh, châ chakaotuhpa he na rônahna nata na ku thatlôna pahmôsa chi ta, avâ liata tlyma, alei liata tlyma, na raihriazy he kheihawhpa khazoh ma a hria thei aw tly? Na hmotao rônahpazy he kheihawhpa khazoh ma a tao thei aw tly?

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 5:24

‘Abeipa eima Khazohpa ta a rônahzie nata a zachhihzie miah pahmôsa ta, mei hry tawhta a ao eima thei. Khazohpa ta chyhsapa bie a chho ta, a hroh thlâh hapa tanoh eima hmô haw.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

RYHPACHANEINA 9:26

Abeipa lâ thlahchhâ na ta, a hnohta, ‘Hy Abeipa Zehôvâh, na rônahna ta na pachhapa, Izi râh tawhta ku thatlôpa ta nâ kaw chhi papuapa na phopi nata na ryutozy he rie pahleipadia khah y.

ZAWSUA 24:31

Zawsua hro chhôh nata Zawsua hlâta a hro parei viapa, Abeipa ta Izarei châta hmo a taopa zydua a pahnotuhpa machâzy hro chhôh liata cha, Izarei sawzy ta Abeipa ama chakao lymâ.