RYHPACHANEINA 11:16 - Mara Bible RV (BSI)

¹⁶ A vaih teh u, chataleipatala nama palôh dôveipa ta y aw ta, tlei aw ei chi ta, khazoh hropazy chakaopa ta namâ chhy pathlei aw.

RYHPACHANEINA 11:16 ပူးပေါင်းရင်းမြစ်များ

1 ABEIZY 8:35

“Na phopi Izarei sawzy na chô liata ama moleina vâta, avâ khaw chi ta, avâ rai pasuasa leipa ta ama rie na pathei tita, he su lâ a heihpa ta thlahchhâ ei sala, na moh a châhkheipa ta, ama moleina amâ heihsai khiahta cha,

ZAWBÂ 31:27

Ei palôh arulâta reipasaopa ta ypa ta, Ei hmao ta ei ku a vaw pahnâ ha khiahta cha;

ISAI 44:20

Cha hawhpa chyhsa cha, Buchâh a niepa châ ta; Palôh sie chheipa chyhsa ta A pasiechheisa hapa a châ. Anosasyh ta a pachha thei leipa ta, “Ei ku chachâh lâta haipa bie a y ma?” A tah thei awpa duahmo liata a duah hra vei.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

RYHPACHANEINA 12:30

nama hmiakô liata pahleipadiapa ta ama ypa hawhna khata, âmo lâpi a chhihpa ta namâ ao hra lei nawpa ta a vaih u la, ‘He phopizy heta kheihta ma ama khazohzy ama chakao tly? Âmo taozie hawhta kei chhao ei tao hra aw,’ tahpa ta ama khazohzy kyh hiahri khuh vy.

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

RYHPACHANEINA 17:3

sie ta khazoh hropazy chakaopa ta chazy cha â chhy aw tlyma, a châ vei khiah, noh tlyma, thlâpâ tlyma, avâ liata a ypa kheihawhpa tlyma a chhypa ta, bie ei pie leipa tao sala,

RYHPACHANEINA 28:14

Tanoh ta bie ei cha piepa ei he, a kheihawhpa lia hmahta chachâh lâ tlyma, chavei lâ tlyma tleisai leipa ta, khazoh hropazy pazi leipa ta nama chakao leipa khiahta cha, cha hawhta nama châ aw.

RYHPACHANEINA 29:17

Ama hmo pasichhihpazy hmô ei chi ta, tho nata lô, tâkâ nata ngôhzy ta taopa ama khazoh nothlahpazy chhao nama hmô.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

RYHPACHANEINA 30:17

Nama pathipalôh a hro lâ a heih sala, a bie nathlie leipa ta, lâpi pavia u la, khazoh hropazy a chhypa ta nama chakao khiahta deikua cha,

RYHPACHANEINA 31:20

Ama pathlatuhpazy hnohta bie ei taihpa sâhpiti nata kheihti lona râh lâ ei chhi ti ei ta, lôhrâtlôpa ta nie aw ei ta, ama thawh tita, khazoh hropazy lâ a heih aw ei ta, ama chakao aw. Na mohnao aw ei ta, ei biehrai ama parao aw.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 5:7

“Keima leipa ta khazoh hropazy na hnei awpa châ vei.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

1 ZAWHÂNA 5:21

Sawzy saih u, khazoh nothlahpa tawhta a panano teh u.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

1 SAMUELA 12:20

Samuela ta ama hnohta, “Chi khah u, he hmo pha lei ngaitapa he tao tlai ei chi ta, châhrasala Abeipa nama zipa cha tleisai leipa u la, nama pathipalôh tlokhuh ta Abeipa cha chakao muh vy.

1 SAMUELA 12:21

Khâpa châta hmahta a phahnai lei awpa nata châ pachha thei lei awpazy zipa ta tleisai khuh vy, âmo cha hraoleipazy ama châ.