RYHPACHANEINA 10:9 - Mara Bible RV (BSI)

⁹ Chavâta Livai cha a unawhzy hry liata tovyuh nata ryuto hnei vei. Abeipa nama Khazohpa ta a hnohta a reipa hawhta, Abeipa cha a ryuto a châ.

RYHPACHANEINA 10:9 ပူးပေါင်းရင်းမြစ်များ

EZEKIA 44:28

“He he ama ryuto a châ aw: Kei he ama ryuto châ na ta, chavâta Izarei liata tovyuh nama pie awpa châ vei. Kei he ama tovyuh awpa cha ei châ.

MALUHREINA 26:62

Livai chi maluh rei theipa chapaw thla kha tawhta chô lâ zydua cha 23,000 ama châ. Âmo cha Izarei sawzy hry liata ryuto râh pie leipa ama châpa vâta, Izarei sawzy maluh reina liata rei pâpa châ veih ei.

HMOTAOPAZY 8:21

Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 14:27

Livai chizy cha nâmo hawhta tovyuh nata ryuto ama hnei hra leipa vâta, nama yna khih liata Livai chi a ypazy nama my awpa châ vei.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

ZAWSUA 14:3

Chi no nata khophiezy ryuto awpa râhzy cha Mawsi ta Zawdâh haosâ liata pie ha ta, Livai pathlazy deikua cha ama hry liata ryuto râh pie vei.