RYHPACHANEINA 10:8 - Mara Bible RV (BSI)

⁸ Cha daihti liata Abeipa ta Livai chizy cha Abeipa Biehrai Byh a sy awpa nata Abeipa hmiakô liata a duah ta ano chakao awpa nata a moh ta byhnâ a awtuhpa châ awpa ta panano ta, tanoh taihta cha hawhta ama hria lymâ.

RYHPACHANEINA 10:8 ပူးပေါင်းရင်းမြစ်များ

1 ABEIZY 8:6

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

1 THÂTIHZYRONA 15:2

Dâvi ta, “Khazohpa Byh he Livai pathla dei leipa ta cha, ahy ta hmah amâ sy awpa châ vei. Âmo cha Khazohpa Byh chhâzaw ta a sytuhpa nata ano chakaotuhpa châta Abeipa ta a rao ei,” tah ta.

1 THÂTIHZYRONA 15:26

Khazohpa ta a baopa vâ ei ta, Abeipa Biehrai Byh a sytuhpa Livai pathlazy ta viahchao tôhpa pô sari nata mietaku tôhpa pô sari ta atheihna hlâ ei ta.

1 THÂTIHZYRONA 23:13

Amrâ sawchapawzy cha Arawna nata Mawsi ama châ. Arawna cha hmo pathaihpazy hria awpa ta pananopa châ ta, ano nata a pathlazy cha ropahâhpazy Abeipa hmiakô liata a rao tyh awpazy châ ei ta, Abeipa chakaopa ta, a moh ta byhnâ a aw tyh awpazy ama châ.

1 THÂTIHZYRONA 23:26

Livai pathlazy ta achhyna byureih nata a chakaona raihria nawpa hmobaoh kheihawhpa hmahta amâ sy awpa byuh khao vei,” tah ta.

2 THÂTIHZYRONA 29:11

Ei saw saih u, diathlâpa ta y khuh vy. Abeipa ta a hmiakô liata a duah ta, ano chakao ta, ano châta chakaotuhpazy châpa ta, atheihnazy hlâ awpa ta a châ tlyh ei hih,” tah ta.

2 THÂTIHZYRONA 30:27

Theihthaipazy nata Livai pathlazy thyu ei ta, zawpizy cha byhnâ awpa ei ta. Ama ao theipa châ ta, ama thlahchhâna cha Abeipa pahrâna vârâh tlô ta.

HLAZY 134:1

Nâmo, Abeipa chakaotuhpa zydua saih u, A vy u la, Abeipa cha reithai teh u! Abeipa o liata zâ ta a duah tyhpa zydua saih u, Abeipa cha reithai teh u!

HLAZY 134:2

Su pathaihpa lâ nama ku chaluah u la, Abeipa cha reithai teh u!

HLAZY 135:2

Abeipa o liata a duahpazy saih u, Abeipa cha reithai u la; Eima Khazohpa o dôhpachhôh tlyhmia liata a duahpazy saih u, Abeipa cha reithai teh u!

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

EZEKIA 44:11

Ei supathaihpa liata chakaotuhpa châ aw ei ta, Achhyna o chhikaozy vaih aw ei ta, Achhyna o chhôh liata chakaona rai ama hria aw. Zawpi ta raona hlâna nata atheihna ama hlâpa sazy thiepa aw ei ta, zawpi chakao awpa ta ama hmiakô liata amâ duah tyh aw.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

THEIHTHAINA 8:9

Abeipa ta Mawsi hnohta bie a piepa hawhta, a luh liata lakhu pakhu ta, lakhu hmia lâ liata ngôh lakho pathaihpa pakho ta.

THEIHTHAINA 9:22

Arawna ta zawpi lâ a ku pazawh ta, âmo cha byhnâ awpa ta, moleina hlâna, raopa hlâna nata aryhna hlânazy a hlâ khai tawhta za chô ta.

MALUHREINA 3:31

Ama mohôh awpazy cha Biehrai Byh, tlâhkhai, meiôh sona, maisâh, supathaihpa liata theihthaipa chakaona chhaichhizy nata pohraipa zy châ aw ta, chazy nata a zaokhipa chakaona rai zydua ama mohôh khai aw.

MALUHREINA 3:6

“Livai chizy a vaw chhi la, theihthaipa Arawna ama chakao thei nawpa ta âmo cha a hmiakô liata paysa mah y.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

HMOTAOPAZY 13:2

Abeipa a chhypa ta kâhvileipa ta ama y hai nota, Thlahpa Pathaihpa ta, “Bânabâ nata Sawla kha âmo ei awna chhâpa rai hria awpa ta na pananopa teh u,” tah ta.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 12:7

chakao awpa a châ khiahta cha chakao sih la, pachutuhpa ta pachu sala,

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

RYHPACHANEINA 17:12

Abeipa nama Khazohpa chakaotuhpa theihthaipa nata ryureituhpa bie nathlie leipa ta, a papeisa leipa chyhsa cha thie awpa a châ. Cha hawhna chata, moleina cha Izarei tawhta nama pahleipadia aw.

RYHPACHANEINA 18:5

Ano nata a sawchapawzy cha, Abeipa nama Khazohpa ta a moh ta a duah ta, chhâzaw ta chakao awpa ta nama chi zydua hry tawhta â tlypa ama châ.

RYHPACHANEINA 21:3

Ri yna tawhta khih a hnia chaipa machâzy ta viahchao zeinô rai pahriasa mâh leipa, raopaky paky mâh leipa pô kha amâ chhi aw.

RYHPACHANEINA 21:5

Chatawhcha Livai sawchapaw theihthaipazy hmia lâ ama vaw pua aw. Âmo cha Abeipa nama Khazohpa ta ano chakao awpa nata Abeipa moh ta byhnâ aw awpa ta a raopazy ama châ. Chavâta biepeipa nata atudaina kyhzy cha âmo pachiazie hawhta a châ aw.

RYHPACHANEINA 31:9

Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.