RYHPACHANEINA 10:4 - Mara Bible RV (BSI)

⁴ Abeipa ta lôphia hmiatuapazy liata a ropa, namâ pôhpakhy noh ta tlâh liata mei hry tawhta nama hnohta a reipa Biepiepa Miahrawh kha, lôphiazy liata roh heih ta. Cha cha Abeipa ta na pie ta.

RYHPACHANEINA 10:4 ပူးပေါင်းရင်းမြစ်များ

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

PUASAINA 34:1

Abeipa ta Mawsi hnohta, “Lôphia hmiatuapazy hawhpa kha miano khai heih la, cha lôphiazy liana chata lôphia hmiatuapa na pakei hapazy liata biezy kha ei roh heih aw.

PUASAINA 34:28

Mawsi cha, cha liata Abeipa hnohta noh sypalih nata zâ sypalih y ta, pati rai nie leipa ta, ti chhao doh vei. Chatanachata Abeipa ta Biepiepa Miahrawh biehrai biezy cha lôphiazy liata roh ta.

RYHPACHANEINA 18:16

Hôribâ liata ahmaohpakhy noh ta, nâmo tlai ta, ‘Abeipa eima Khazohpa ao cha keimo ta thei khao leipa aw pi ta, mei ru ngaitapa chhao he hmô khao leipa ta eima y aw, chataleipatala eima thi pathlei aw,’ tah ei chi ta, Abeipa nama Khazohpa lâta nama khozie namâ hawpa hawhna khata, keima hawhpa hrohsopa a cha paduapa aw ei.

RYHPACHANEINA 9:10

Abeipa ta bie rona lôphia miano, Khazohpa kudy ta ropa na pie ta, cha liana chata namâ pôhpakhy noh ta tlâh chô liata mei hry tawhta Abeipa ta nama hnohta bie a reipa zydua ropa a châ.