Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




RYHPACHANEINA 10:21 - Mara Bible RV (BSI)

21 Abeipa cha nama reithai awpa a châ. Ano cha nama Khazohpa châ ta, he hmo ronahpa nata rarôh ypa, nama mo ta a hmôpazy a taotuhpa a châ.

အခန်းကိုကြည့်ပါ။ ကော်ပီ




RYHPACHANEINA 10:21
18 ပူးပေါင်းရင်းမြစ်များ  

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?


Hy ei reithaipa Khazohpa y, A chalih thlâh ha khah y!


Na hmotaopa thatlôzie nata rarôh yzie reih aw ei ta, Kei chhao ta na rônahzie ei phuah aw.


A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!


Chatahrasala nâ cha Pathaihpa châ chi ta, Izarei reithaina liata a hlao tyhpa na châ.


Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.


Abeipa ta, “Pachâ teh, bie ei hrai hih. Na phopi hmiakô liata hmonoâhpa ei tao aw. Cha cha khizaw zydua nata kheihawhpa phopi hry lia hmahta tao beih leipa a châ. Na chô liata ei tao awpa hmo cha rarôh y ngaitapa a châpa vâta, na pahrâlâhpa phopi zydua ta Abeipa raihria ama hmô aw.


Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.


Eima hnabeiseih leipa hmo rarôh ypazy na tao no kha, Za chô chi ta, Na hmiakô liata tlâhpizy amâ chalyu ngâpa kha.


Hy Abeipa, na patlâh mah y, Chatanachata ei vaw tlâh ha aw; Na pachha mah y, Chatanachata pachhapa ta ei y aw; Nâma deita he reithaina ei hlâ tyhpa cha na châ.


Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.


Abeipa ta phopi zydua, cha râh liata a pahrâpa Amawri mo chhao, eima hmiakô tawhta a papua khai ei. Chavâta keimo chhao Abeipa eima chakao aw, ano cha eima Khazohpa a châ,” tah ei ta.


Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.


Chavâta Abeipa cha chi u la, ngâchhih ngaitapa ta, nama pathipalôh tlokhuh ta ano cha chakao u la, nama châta a hmotaopa rônahpazy kha pachâ tyh muh vy.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ