RYHPACHANEINA 10:18 - Mara Bible RV (BSI)

¹⁸ Paw hnei leipazy nata nôhmeizy châta â dopa ta pachia ta, mapaihpazy kyhpachâ ta, niedo nata chysiazy a pie ei.

RYHPACHANEINA 10:18 ပူးပေါင်းရင်းမြစ်များ

2 THÂTIHZYRONA 19:7

Abeipa eima Khazohpa liata cha adoleina, khokhei viapa hneina nata panaopapana lapazy y vei. Chavâta Abeipa chi u la, hmo nama taopazy liata a sohsi ngaita muh vy,” tah ta.

HLAZY 10:18

Paw hnei leipa nata tlybaipazy châta adona tao aw chi ta, Chatanachata lei chyhsazy ta pachhipary khao aw veih ei.

HLAZY 103:6

Abeipa cha siana ta rai hria ta, Tlybaipa zydua châta adona ta a hriapa ei.

HLAZY 145:9

Abeipa cha mo to chô liata pha ta, A zawngiahna cha a hmotaopa zydua chô liata a y.

HLAZY 146:9

Abeipa cha mapaihpazy vaih ta, Nôhmei nata paw hnei leipazy a deichhy tyh; Hmoparaopazy hro deikua cha, Âbôkalie lâta a paysa tyh.

HLAZY 68:5

Ano cha a pahrâna su pathaihpa liata a ypa Khazohpa châ ta, Paw hnei leipazy châta paw châ ta, Nôhmeizy a duakheituhpa a châ.

HLAZY 68:6

Khazohpa ta matlupa châta chhôhkha taopa ta, Atâhpazy papuapa ta thlao pachhisa ta; Dyuhtuhpazy deikua cha râh raohpa liata ama pahrâ.

PUASAINA 22:20

“Abeipa lâta châ leipa ta, khazoh hropa lâta atheihna a hlâpa cha, pahleipadia awpa a châ.

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 22:22

Nôhmei nata hârazy ama rie nama pathei awpa châ vei.

PUASAINA 22:23

Ama rie pathei u la, eina awsao khiah ei ta cha, ama awna ao thei aw na ta,

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ZEREMIAH 49:11

Paw leipa na sawzy cha siesai mah y, Kei ta ei hrôbieh aw ei; Na nôhmeizy chhao, Kei liata a pahnieh mawh ei sy.”

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

THEIHTHAINA 25:35

“Na unawhpa a dyh vaw chhie sala, a châ vaw chhai khiahta cha, na deichhy awpa a châ. Khichhaipa nata khitlyhpa na deichhypa hawhta, na hnohta na paysa aw.

MALUHREINA 10:32

Eima hnohta na sie hra khiahta cha, Abeipa ta eima chô liata hmopha a taopa hawhta na chô liata eima tao hra aw,” tah ta.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

RYHPACHANEINA 27:19

“Chihropazy, paw hnei leipazy, nôhmeizy adona a tlybaipa cha chhiesapa ta y mawh sy,” tah aw ei ta, zawpi ta, “Amen” ama tah aw.