RYHPACHANEINA 10:17 - Mara Bible RV (BSI)

¹⁷ Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

RYHPACHANEINA 10:17 ပူးပေါင်းရင်းမြစ်များ

2 THÂTIHZYRONA 19:7

Abeipa eima Khazohpa liata cha adoleina, khokhei viapa hneina nata panaopapana lapazy y vei. Chavâta Abeipa chi u la, hmo nama taopazy liata a sohsi ngaita muh vy,” tah ta.

NEHEMIAH 1:5

“Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

ZAWBÂ 34:19

Abeisawzy khokhei via hlei leipa ta, Dyhchhiepa hlâta dyhphapa hmia a moh via hlei leipa châ vei ma? Ama zydua ta ano kuzô sai châ veih ei ma?

HLAZY 99:3

Na moh rônahpa nata zachhihpa cha reithai mawh ei sy! Abeipa cha a pathaih na!

PUASAINA 23:8

Panaopapana na la awpa châ vei. Panaopapana ta mo pavâpa mo pachaosa ta, mosiapa cha biedopa tawhta a patleisa tyh.

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 32:18

Sâh hluhpi chô liata kyhpachâna tleih beih leipa palâsa chi ta, pawzy paraona chhao, âmo hnôhlâ ta ama sawzy chô liata na thô tyh. Hy Khazoh rônahpa nata thatlôpa, na moh cha Pheisaihzy Abeipa châ ta,

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 2:45

Chyhsa ku ta châ leipa ta, tlâh tawhta ano kho ta zâ chakhiapa alô na hmôpa hawhta nata, cha chata thua zy, dawh zy, beihlei zy, tâkâ zy, ngôh zy a pakeichheih khaipa na hmôpa hawhna khata a châ aw. Khazohpa rônahpa ta he tawhta hmo a vaw tlô awpa abei hnohta a pahnosapa a châ. Mâsapa he a hmeiseihpa châ ta, a chhopasiana chhao â dopa a châ,” tahpa ta chho ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

HMOTAOPAZY 10:34

Pity cha bie reih ta, “Khazohpa ta chyhsa khokhei eihpa a hnei leizie a siapa ta ei pahno haw.

RAWMA 2:11

Khazohpa cha khokhei viapa hnei vei.

KALATIA 2:6

Chyhsa peimawhpa hawhta a lâpazy he, ama châna vâta kei liata ananona y hlei vei. Khazohpa cha khôtho lâ alânazie ta pachia vei. Chyhsa peimawhpa hawhta a lâpazy heta na phahnaikhei hlei veih ei.

EPHESI 6:9

Nâmo, zibeipazy saih u, cha hawhna chata nâmo chhao nama seizy chô liata tao hra teh u. Âmo chhao, nâmo chhao, avâ liata zibeipa pakha nama hneipa pahnopa ta, ano liata cha khokhei eih viapa y veih ei tahpa pahnopa ta, nama seizy pachhipary khuh vy.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.

RYHPACHANEINA 27:25

“Paraona hnei leipa thie nawpa ta panaopapana a lapa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.

KAOLAOSÂ 3:25

Hmo doleipa a taopa cha, hmo doleipa a taopa mâ a hmô aw. Khokhei viapa y veih ei.

1 TIMAWTHY 6:15

Reithai tlâh Khazohpa nata ato chô liata biehneituhpa a y chhôhpa, beizy Beipa nata zibeizy Zibeipa ta eima Beipa Zisu Krista cha a daihtita liata a vaw paluahsa aw.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.