RYHPACHANEINA 10:13 - Mara Bible RV (BSI)

¹³ nama pha nawpa ta tanoh bie ei cha piepa ei, Abeipa biepiepazy nata bieraopazy zyhpa a châ.

RYHPACHANEINA 10:13 ပူးပေါင်းရင်းမြစ်များ

1 ABEIZY 3:3

Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

BIESOZY 9:12

Na vaw sopa chhao ta, Nâma châta soh chi ta; Nâ khotlâh khiahta cha, Nâ pyly ta pasa na tao aw.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 10:14

Moh tua u, avâ nata avâ a sâh chaipa nata leilô nata a chhôh liata a ypa zydua he Abeipa nama Khazohpa eih sai a châ.

RYHPACHANEINA 6:24

Thlaochhipa ta khâ ypa ta, tanoh hawhna heta eima hrona miah a pahlôh lymâ thei nawpa ta, Abeipa eima Khazohpa cha chipa ta, he bieraopa zydua he tao awpa ta Abeipa ta bie miah a pie.

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.