RYHPACHANEINA 1:8 - Mara Bible RV (BSI)

⁸ Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 1:8 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

PUASAINA 23:31

Tilaipi Saihpa tawhta Philistinâ mo tilaipi taihta nata râhchawhpa tawhta Ufrâti chavah taihta na râhri châta ei cha taopa aw. Cha râh liata a pahrâpazy cha, na ku liata cha pie aw na ta, âmo cha na hmiakô tawhta na papua awpa a châ.

PUASAINA 33:1

Abeipa ta Mawsi hnohta, “Izi râh tawhta nâ kaw chhi papuapazy chhao khata, he su tawhta pua u la, Abarahâ, Aisika nata Zakaw hnohta, ‘Na pathlazy hnohta ei pie aw,’ tahpa ta bie ei vaw taihpa râh lâ khy teh u.

ZEREMIAH 32:22

he sâhpiti nata kheihti lona râh, âmo pathlatuhpazy hnohta pie awpa ta bie nâ vaw taihpa râh he na pie ei.

EZEKIA 47:14

Châ pathlatuhpazy hnohta pie awpa ta ku chaluahpa ta bie ei taihpa râh cha, â khopa ta namâ rai awpa a châ. Cha râh cha nama ryuto râh a châ aw.

MALUHREINA 14:23

Âmo pathlatuhpazy hnohta bie ei taihpa râh cha hmô aw veih ei; nâ mohnaopazy chhao hmô hra aw veih ei.

MALUHREINA 32:11

‘Izi râh tawhta a kaw puapa, kô kih tawhta chô lâ chyhsazy cha, palôh tlokhuh ta eina zi leipa vâ ei ta, ahy hmah Abarahâ, Aisika nata Zakaw zy hnohta pie awpa ta bie ei taihpa râh hmô aw veih ei.

RYHPACHANEINA 1:11

Abeipa, châ pathlatuhpazy Khazohpa ta tahmâ ta nama maluh hlâta a lie sâh hluhpi ta cha papôh ei sala, bie a châ taihpa hawh ei ta, byhnâ cha pie mawh ei sy!

RYHPACHANEINA 1:35

‘He chhâ moleipazy hry tawhta ahy hmahta châ pathlatuhpazy hnohta pie awpa ta bie ei taihpa râh phapa cha hmô aw veih ei.

RYHPACHANEINA 10:11

Abeipa ta ei hnohta, ‘Thyu la, phopi kha chhihtha la, ama hmia lâta sie teh. Chatanachata sie aw ei ta, ama pathlatuhpazy hnohta bie ei taihpa râh ama hnei thei aw,’ tah ta.

RYHPACHANEINA 11:24

Nama phei pazah ta a tlypa maih cha nama eih a châ aw. Râhchawhpa tawhta Lebanaw taihta, Ufrâti chavah tawhta notla lâ tilaipi taihta nama râh a châ aw.

RYHPACHANEINA 11:9

Chatanachata Abeipa ta châ pathlatuhpazy nata ama pathlazy hnohta pie awpa ta bie â vaw taihpa râh, sâhpiti nata kheihti lona râh liata bohpi nama pahrâ thei aw.

RYHPACHANEINA 2:29

Seirâ liata a pahrâpa Esaw pathlazy nata Ari liata a pahrâpa Môabâ mo ta ei chô liata ama taopa hawhta, Zawdâh chakapa ta Abeipa eima Khazohpa ta miah a piepa râh ei ngia hlâlei na râh siepahlie na pasai mah y,’ tah na ta.

RYHPACHANEINA 26:15

Na yna su pathaihpa vârâh tawhta za moh la, na phopi Izarei nata râh miah na piepa, miah pathlatuhpazy hnohta bie nâ vaw taihpa, sâhpiti nata kheihti lona râh he byhnâ pie mah y!’ nama tah aw.

RYHPACHANEINA 26:3

Cha daihti ta theihthaina rai a hriapa lâ vawh aw ei chi ta, a hnohta, ‘Abeipa ta miah pathlatuhpazy hnohta pie awpa ta bie â taihpa râh eima tlô haw tahpa tanoh Abeipa na Khazohpa hnohta eima phuah,’ nama tah aw.

RYHPACHANEINA 28:11

Châ pathlatuhpazy hnohta pie awpa ta Abeipa ta bie â vaw taihpa râh liata Abeipa ta byhnâ hluhpi a cha pie aw ei. Nama sawteih nawhteih pha aw ta, nama sahrohzy pôh aw ta, nama chhaohlei a pathei aw.

RYHPACHANEINA 29:12

Chatanachata Abeipa nama Khazohpa ta tanoh ta nama hnohta a hraipa, Abeipa nama Khazohpa biehrai bietai liata namâ ngia thei aw.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 31:7

Chatawhcha Mawsi ta Zawsua aw ta, Izarei saw zydua mohmô liata a hnohta, “Thatlôpa nata riahphapa ta y teh. He phopi hnohna heta Abeipa ta ama pathlatuhpazy pie awpa ta bie â taihpa râh lâ sie aw chi ta, cha râh cha ryu ta na patosa aw ei.

RYHPACHANEINA 34:4

Abeipa ta a hnohta, “He râh he, Abarahâ, Aisika nata Zakaw hnohta, ‘Na pathlazy ei pie aw ei,’ tahpa ta bie ei taihpa râh kha a châ. Na mo ta cha pahmôsa na ta, châhrasala a ngia aw va chi,” tah ta.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 6:10

“Abeipa nama Khazohpa ta châ pathlatuhpa Abarahâ, Aisika nata Zakaw hnohta pie awpa ta bie â vaw taihpa râh, nama padua leipa khihpi rônahpa nata phapazy,

RYHPACHANEINA 7:12

“Cha pachiana biezy cha nathliepa ta, zyh ei chi ta nama taopa vâta, Abeipa nama Khazohpa ta châ pathlatuhpazy hnohta bie â vaw taihpa a biehrai nata a ngâchhihna nama chô liata a patlôsa aw.

RYHPACHANEINA 7:13

Nama Khazohpa ta kyh cha pachâ aw ei ta, byhnâ cha pie aw ei ta, maluh a cha papôhsa aw ei. Cha pie awpa ei ta châ pathlatuhpazy hnohta bie â vaw taihpa râh liana cha nama chhi theizy, nama lei theizy, nama sâhzy, nama kresawhtizy nata nama sathawzy byhnâ pie aw ta, nama viahchao nata mietaku zawzy a papôhsa aw.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

RYHPACHANEINA 8:1

“Tanoh ta bie ei cha piepa zydua ei he pakhâta ta nama tao awpa a châ. Chatanachata hroh aw ei chi ta, pôh aw ei chi ta, châ pathlatuhpazy hnohta Abeipa ta bie â taihpa râh liata a ngia aw ei chi ta, râh cha nama hnei aw.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.

HEBRAI 6:13

Khazohpa ta Abarahâ hnohta bietai a tao nona kha, ano hlâta rônah viapa moh reipa ta bie â taih nawpa a y leipa vâta, anosasyh ta bie a taih ta,

HEBRAI 6:14

“Byhnâ cha awpa tlai aw na ta, ei cha papôh tlai aw,” tah ta.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

RYUREITUHPAZY 2:1

Abeipa vâlyuhchâpa cha Kilkal tawhta Bôkhi lâ khy ta, Izarei sawzy hnohta, “Izi râh tawhta châ kaw chhi papua ei na ta, châ pathlatuhpazy hnohta bie ei taihpa râh liata châ ngiakhei ei na ta, ‘Nama hnohta bie ei hraipa parao beih aw va na.