RYHPACHANEINA 1:43 - Mara Bible RV (BSI)

⁴³ Cha chho ei na ta, châhrasala nathlie khoh veih ei chi. Abeipa biepiepa chakhia ei chi ta, tlâh râh lâ nama khy raruah.

RYHPACHANEINA 1:43 ပူးပေါင်းရင်းမြစ်များ

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

MALUHREINA 14:40

Chatanachata mydi ta thyu ei ta, tlâh laki lâ khy ei ta, Mawsi hnohta, “Moh teh, eimâ khy hih, Abeipa ta bie miah â taihpa su lâ cha eima khy aw, eima vaw molei haw,” tah ei ta.

MALUHREINA 14:44

Châhrasala Abeipa Biehrai Byh nata Mawsi cha riehmo tawhta ama pua leipa chhao ta, tlâh râh lâ cha khy raruah a chhuah ei ta.

MALUHREINA 15:30

Moleina a châ tahpa pahno thlâh hana chôta a molei raruahpa deikua cha, a râh chyhsa a châpa chhao ta, chihropa a châpa chhao ta, Abeipa a reipachhiepa châ ta, cha chyhsa cha a phopi tawhta chhawh pathlahpa a châ aw.

HMOTAOPAZY 7:51

“Nâmo, chyhsa chhorupa, palôh nata nakhaoh chopawtai leipazy saih u, Thlahpa Pathaihpa khâ a dyuh ei chi ta, châ pathlatuhpazy taopa hawhta, nâmo chhao nama tao hra.

RYHPACHANEINA 1:26

“Châhrasala khy khoh leipa ei chi ta, Abeipa nama Khazohpa biepiepa cha zyh khoh veih ei chi.

RYHPACHANEINA 17:12

Abeipa nama Khazohpa chakaotuhpa theihthaipa nata ryureituhpa bie nathlie leipa ta, a papeisa leipa chyhsa cha thie awpa a châ. Cha hawhna chata, moleina cha Izarei tawhta nama pahleipadia aw.