RYHPACHANEINA 1:38 - Mara Bible RV (BSI)

³⁸ Châ chakaotuhpa Nunâ sawchapawpa Zawsua deikua â ngia aw. Ano kha pasyu mah y. Ano ta râh cha ryu ta Izarei a patosa aw.

RYHPACHANEINA 1:38 ပူးပေါင်းရင်းမြစ်များ

PUASAINA 24:13

Mawsi nata ano baotuhpa Zawsua cha thyu ei ta, Mawsi cha Khazohpa tlâh lâ khy ta.

PUASAINA 33:11

Cha hawhna chata, chyhsa ta a viasa bie â chhopa hawhta, Abeipa ta Mawsi cha hmiadaisâ ta bie â chho tyh. Cha khai tawhta Mawsi cha riehmo lâ a lie tyh ta, a chakaotuhpa thyutliapa Nunâ sawchapawpa Zawsua deikua cha poh o puasai beih vei.

BIESOZY 22:29

Rai a thai kawpa chyhsa cha moh tua, Abei hmiakô liata a duah aw ta, Chyhsa zawrâpa hmiakô liata a duah aw vei.

ZEREMIAH 40:10

Kei he Mizpâ liata pahrâ aw na ta, keimo lâ a zu tyh awpa Kaldia mo hmiakô liata nama vyuhpa ta ei duah lymâ aw. Nâmo deikua cha, kresawhti nata nopi theilâpazy nata sathaw zy pahmaoh u la, nama beihparizy liata pachô u la, khihpi nama lapazy liata pahrâ muh vy,” tah ta.

MALUHREINA 13:16

Âmo cha râh mohparu awpa ta Mawsi ta a tuapazy ama châ. Nunâ sawchapawpa Hôsia cha Mawsi ta Zawsua tahpa ta a moh a bi.

MALUHREINA 13:8

Epharai chi tawhta Nunâ sawchapawpa Hôsia;

MALUHREINA 14:30

Bâh pazawhpa tlai ta nama pahrâ nawpa tao awpa ta bie ei châ taihpa ei râh cha, Zephune sawchapawpa Kâlebâ nata Nunâ sawchapawpa Zawsua tah leipa ta cha ahy hmah a ngia aw veih ei chi.

MALUHREINA 14:38

Râh mohparu awpa ta a siepazy hry liata Nunâ sawchapawpa Zawsua nata Zephune sawchapawpa Kâlebâ deikua cha pahlôhpa ama châ.

MALUHREINA 26:65

Abeipa ta, “Râhchawhpa liata ama thi thlyu awpa a châ,” a tah hapa vâta, Zephune sawchapawpa Kâlebâ nata Nunâ sawchapawpa Zawsua dei leipa ta cha, pakha hmah ahrohpa y veih ei.

MALUHREINA 34:17

“Hezy he ryu ta nama to awpa râh châ rai awpa chyhsazy moh a châ: Theihthaipa Eliaza nata Nunâ sawchapawpa Zawsua ta ryuto râh cha ama cha rai aw.

RYHPACHANEINA 3:28

Zawsua he biehneina pie la, pasyu la, a thapatlô mah y. Ano ta zawpizy he chhihtha aw ta, na kaw sai awpa râh cha ama ryuto châta a rai aw ei,’ tah ta.

RYHPACHANEINA 31:14

Abeipa ta Mawsi hnohta, “Pachâ teh, na thi daihti â hnia haw. Zawsua aw la, ahmaohna poh o liata a vy teh u, a hnohta biehneina ei pie aw,” tah ta. Mawsi nata Zawsua cha vawh ei ta, ahmaohna poh o liata kei y ei ta.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

ZAWSUA 1:1

Abeipa chakaotuhpa Mawsi a thi tawhta, Mawsi baotuhpa Zawsua, Nunâ sawchapawpa hnohta Abeipa ta,

ZAWSUA 11:23

Abeipa ta Mawsi hnohta a reipa zydua hawhta, Zawsua ta Kâna râh zydua la khai ta, ama chi apachhaihnazie hawhta ama ryuto râh a pie chyu ei. Chatanachata adyuhna pai ta, râh cha thlalôhpa ta y ha ta.

1 SAMUELA 16:22

Sawla ta Zese lâ chyhsa tuah ta, a hnohta, “Dâvi he ei mo nâ dy kaw ta, ei rai hria pazao awpa ta na pasai awpa ta ei châ haw,” tah ta.