RYHPACHANEINA 1:30 - Mara Bible RV (BSI)

³⁰ Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 1:30 ပူးပေါင်းရင်းမြစ်များ

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

NEHEMIAH 4:20

Chiahmie pyu nama theina su liata, cha liana cha keimo lâ a vaw hmaoh tyh muh vy. Eima Khazohpa ta miah â dyuhpa aw,” tah na ta.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

PUASAINA 10:21

Abeipa ta Mawsi hnoh ta, “Izi râh he zohna ta khu sala, zoh kaluhpa ry liata ama pathâ hôlôna hâh ta, avâ lâ na ku pazawh teh,” tah ta.

PUASAINA 14:14

Abeipa ta a châ dyuhpa aw ei. Nâmo deikua cha a thlih thlâh ha teh u,” tah ta.

PUASAINA 14:25

Abeipa ta ama talailih pheizy a thlo hapa vâta sie thei khao leipa ei ta. Izi mo ta, “Izarei mo hmiakô tawhna heta a râ ha ei suh u, Abeipa ta âmo chhâh a châ ta Izi mo â dyuh ha hih,” tah ei ta.

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

RYHPACHANEINA 1:29

Kei ta nama hnohta, ‘Nama nô a papo leipa u la, âmo cha chi khuh vy.

RYHPACHANEINA 11:3

Izi râh liata Izi bei Phiraoh chô liata nata a râh zydua chô liata hmonoâhpa a taopazy nata a raihriazy a pahno leipa nata a hmô leipa zy hnohta ei reipa châ vei.

RYHPACHANEINA 29:2

Mawsi ta Izarei saw zydua aw ta, hetana heta Abeipa bie a chho ei. “Abeipa ta nama mohmô lia tlai ta Izi râh liata Phiraoh nata a chyhsa zydua nata a râh zydua chô liata a taopa zydua hmô ei chi ta,

RYHPACHANEINA 3:22

Âmo cha nama chi awpa châ vei, Abeipa nama Khazohpa ta a châ dyuhkhei aw ei,’ tah na ta.

RYHPACHANEINA 31:3

Abeipa nama Khazohpa ta hmia châ sahpa aw ei ta, ano tlai ta phopizy nama hmiakô tawhta pahleipadia aw ta, âmo cha nama pho aw. Abeipa ta a reipa hawhta, Zawsua ta hmia a sah aw ta, Zawdâh cha a chaka aw.

RYHPACHANEINA 34:11

Abeipa ta Izi râh liata nata Phiraoh nata a chakaotuhpa zydua nata a râh zydua chô liata ngiana nata hmonoâhpazy a pataosapa hawhpa kha ano hawhta a tao theipa y veih ei.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 7:18

Âmo cha nama chi awpa châ vei. Phiraoh nata Izi râh zydua chô liata Abeipa nama Khazohpa hmotaopa kha a thei thlâh ha teh u.

ZAWSUA 10:14

Cha hawhta Abeipa ta chyhsapa ao a nathliena noh cha, cha hlâta y beih leipa ta, cha khai tawhta chhao y beih khao vei. Abeipa ta Izarei â dyuhkheipa vâta a châ.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 23:3

Abeipa nama Khazohpa ta nâmo vâta he phopi zydua chô liata a taopa zydua nama hmô khai. Abeipa nama Khazohpa ano tlai ta a châ dyuhpa ei.