RYHPACHANEINA 1:19 - Mara Bible RV (BSI)

¹⁹ “Abeipa ta bie miah a piepa hawhta, Hôribâ tlâh tawhta pua pi ta, Amawri tlâh râh lâpi, râhchawhpa kawh ngaitapa nata chichhih ngaitapa nama hmôpa zydua kha siepahlie khaipa ta, Kâdesbânia khih tlô pi ta.

RYHPACHANEINA 1:19 ပူးပေါင်းရင်းမြစ်များ

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

MALUHREINA 10:12

Izarei sawzy cha Sinai râhchawhpa tawhta a py py ta sie ei ta, meihdo cha Pârâ râhchawhpa liata a duah ta.

MALUHREINA 13:13

Asera chi tawhta Mikaila sawchapawpa Sethu;

MALUHREINA 13:26

Pârâ râhchawhpa Kâdesâ liata Mawsi nata Arawna nata Izarei zawpi zydua yna vaw tlô ei ta. Mawsi nata Arawna nata zawpi zydua hnohta bie vaw phaoh ei ta, a râh theilâpazy chhao pahmô ei ta.

MALUHREINA 14:14

Izi mo ta he râh liata a pahrâpazy he chho aw ei ta, pha aw vei. He râh liata a pahrâpazy heta nâ Abeipa cha Izarei sawzy hry liata na y tahpa pahno tlôh ei ta. Nâ, Abeipa cha hmiachhypa ta cha hmô ha ei ta, na meihdo cha Izarei sawzy chô liata a duah ta, nohchhô ta meihdo tôh ta, zâ ta mei tôh ta ama hmia lâta na sie tyhpa chhao ama pahno.

MALUHREINA 32:8

Châ pathlatuhpazy chhao ta, râh moh awpa ta Kâdesbânia tawhta ei tua no ei ta, cha hawhta ama tao hra.

RYHPACHANEINA 1:2

Hôribâ tawhta Kâdesbânia cha Seirâ Tlâh lâpi lâta noh hrawh hleikha sie a châ.

RYHPACHANEINA 1:20

Nama hnohta, ‘Abeipa eima Khazohpa ta miah a piepa Amawri tlâh râh nama tlô haw.

RYHPACHANEINA 1:7

Chavâta a pasie bâ u la, Amawri tlâh râh lâ nata a chheipâh Arabâ râh lâ zy sie teh u. Tlâh râh, by râh, Neke râh, tilaipi kiah râh, Kâna râh nata Lebanaw râh lâ zy sie u la, chavah laipa Ufrâti chavah taihta sie teh u.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 32:10

“Abeipa ta Zakaw cha râhchawhpa liata hmô ta, Râh chhiepa nata râh raohpa liata a hmô. Ano cha chahlôchaeipa ta mohôh ta, A mosaw hawh tlai ta a khâsia.

RYHPACHANEINA 8:15

Ano ta râhchawhpa kawh ngaitapa nata rarôh y ngaitapa, rihhrâh nata râh cha-iazy yna, ti y leina râh chawh karaipa liata châ chhi ei ta, meilô lôpanô tawhta ti a cha papuapa ei.

ZAWSUA 10:41

Zawsua ta Kâdesbânia tawhta Kâza taihta pahnie ta, Kôse râh zydua chhao, Kibiô taihta a pahnie khai ha ei.