RYHPACHANEINA 1:18 - Mara Bible RV (BSI)

¹⁸ Cha daihti liata, hmo nama tao awpa zydua bie ei cha pie ei.

RYHPACHANEINA 1:18 ပူးပေါင်းရင်းမြစ်များ

PUASAINA 18:20

Bieraopazy nata ryhpazy âmo pachu aw chi ta, ama lâpi a chhih awpa nata ama tao awpazy na pahmô lymâ aw ei.

PUASAINA 18:22

Âmo chata zawpizy cha pachia aw ei ta, bie ru viapa maih nâ lâ vaw tlôkhei aw ei ta, bie chynawhpazy cha âmo ta ama pachia lymâ aw. Chatanachata na châta nao via aw ta, na phaohri ama cha chapawh ha aw.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

RYHPACHANEINA 12:28

Cha bie ei cha piepa zydua ei cha pakhâta ta nathlie u la, zyh muh vy. Chatanachata Abeipa nama Khazohpa mohmô ta hmo phapa nata hmo dopa nama taopa châ aw ta, nâmo nata nama pathla vaw y lymâ awpa chhâ zydua châta a pha aw.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.