RYHPACHANEINA 1:17 - Mara Bible RV (BSI)

¹⁷ Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

RYHPACHANEINA 1:17 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

2 SAMUELA 14:14

Eima zydua ta eima thi khai aw. Alei liata ti patlaipa hawhta eima châ. Li pakhua thaipa châ khao vei. Hrona cha Khazohpa ta la aw vei. A râ hapa cha ano tawhta â hla pathlah lei nawpa ta ryh tlao a rao tyh hri.

2 THÂTIHZYRONA 19:5

Zudâh râh liata thokhy hneipa khihpi to liata ryureituhpazy rao ta.

2 THÂTIHZYRONA 19:6

Ryureituhpazy hnohta, “Nama hmotaopazy pakhâta ta pachâ u la, tao tyh muh vy. Chyhsapa châta ryu a reihpa châ leipa ei chi ta, Abeipa châta ryu a reihpa nama châ. Ryureina liata Abeipa nama hnohta â hlao lymâ.

ZAWBÂ 31:34

Zawpizy chi ngaita aw na ta, Ei chhôhkhazy mohnaona ta ei thlah eina pazo awpa vâta, A chalih aw na ta khô pua ngâh aw va na.

HLAZY 82:2

“Khati taih ma â doleipa ta ryureih aw ei chi ta, Moleipazy nama khokhei via chy aw? Selah

PUASAINA 18:18

Nâ nata na hnohta a ypa zawpizy he nama tha namâ pachhâ khai pathlei aw. He raihria he na châta a hri tu ha ta, nâma dei ta hria khai thei aw va chi.

PUASAINA 18:22

Âmo chata zawpizy cha pachia aw ei ta, bie ru viapa maih nâ lâ vaw tlôkhei aw ei ta, bie chynawhpazy cha âmo ta ama pachia lymâ aw. Chatanachata na châta nao via aw ta, na phaohri ama cha chapawh ha aw.

PUASAINA 18:26

Âmo chata zawpi cha pachia ei ta, bie rupa maih Mawsi lâ tlôkhei ei ta, bie chynawhpa deikua cha, âmo ta ama pachia lymâ.

BIESOZY 18:5

Moleipa khokhei viapa pha lei­pa ta, Mosiapa adona chhupa chhao pha vei.

BIESOZY 24:23

Hezy chhao he chyhsa sopa biereipazy a châ. Pachiana liata khokhei viapa hneipa pha vei.

BIESOZY 28:21

Khokhei viapa hneipa pha leipa ta, Châhrasala viahchhâ tlâ kha vâta, Chyhsa ta hmo a parao thei.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

LUKA 20:21

Zisu cha bie hiahri ei ta, “Pachutuhpa, thlua hlei hnei leipa ta, âdopa ta bie reipa ta pachu chi ta, hmeiseihna kyh ta Khazohpa lâpi na pachu tyh tahpa eima pahno.

RAWMA 2:11

Khazohpa cha khokhei viapa hnei vei.

EPHESI 6:9

Nâmo, zibeipazy saih u, cha hawhna chata nâmo chhao nama seizy chô liata tao hra teh u. Âmo chhao, nâmo chhao, avâ liata zibeipa pakha nama hneipa pahnopa ta, ano liata cha khokhei eih viapa y veih ei tahpa pahnopa ta, nama seizy pachhipary khuh vy.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

RYHPACHANEINA 24:17

Chihropa nata paw hnei leipazy adona nama charichamy awpa châ leipa ta, nôhmei poh sôhkâ ta nama lapa awpa châ hra vei.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.

KAOLAOSÂ 3:25

Hmo doleipa a taopa cha, hmo doleipa a taopa mâ a hmô aw. Khokhei viapa y veih ei.

1 THYSALAWNIKA 2:4

Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.

ZÂMIE 2:9

Khokhei viapa nama hnei khiahta deikua cha, moleina hmo a taopa châ ei chi ta, hmoparaotuhpa nama châ tahpa ta ryhpa ta thailei a cha pachâsa ei.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.