RYHPACHANEINA 1:16 - Mara Bible RV (BSI)

¹⁶ Cha daihti liata, nama ryureituhpazy hnohta biehneina pie na ta, ama hnohta, ‘Nama unawhzy likah biepeipazy nathlie u la, chyhsa nata a unawhpa likah liata â do ngaitapa ta ryureih u la, chyhsa nata a hnohta a ypa chihropa likah liata chhao â do ngaitapa ta ryureih muh vy.

RYHPACHANEINA 1:16 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

HLAZY 58:1

Hy ryureituhpazy saih u, biedopa nama reih tlai ma? Chyhsa sawzy châta â dopa ta ryu nama reih tlai ma?

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

BIESOZY 31:9

Na pakah âpa ta siana ta ryureih la, Dyhchhiepa nata phahlapazy adona a duakhei mah y.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

THEIHTHAINA 24:22

Chihropazy châta nata a râh chyhsazy châta ryhpa â lyupa ta nama hnei awpa a châ. Kei he Abeipa nama Khazohpa ei châ,” tah ta.

MALUHREINA 27:19

Theihthaipa Eliaza nata zawpi zydua hmiakô liata paduasa aw chi ta, ama mohmô liata biehneina na pie aw.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

RYHPACHANEINA 24:14

“Rai nama pahriasapa dyhchhiepa nata phahlapazy cha, nama chiheihpa ama châpa chhao ta, chihropa nama râh khih miakha liata a pahrâpa ama châpa chhao ta, nama tlybai awpa châ vei.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.

RYHPACHANEINA 27:11

Cha noh ta Mawsi ta zawpi cha biepie ta, ama hnohta,

RYHPACHANEINA 31:14

Abeipa ta Mawsi hnohta, “Pachâ teh, na thi daihti â hnia haw. Zawsua aw la, ahmaohna poh o liata a vy teh u, a hnohta biehneina ei pie aw,” tah ta. Mawsi nata Zawsua cha vawh ei ta, ahmaohna poh o liata kei y ei ta.

1 THYSALAWNIKA 2:11

Paw ta a sawzy chô liata a taopa hawhta, nama chô liata eima taopa kha nama pahno.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.