RYHPACHANEINA 1:11 - Mara Bible RV (BSI)

¹¹ Abeipa, châ pathlatuhpazy Khazohpa ta tahmâ ta nama maluh hlâta a lie sâh hluhpi ta cha papôh ei sala, bie a châ taihpa hawh ei ta, byhnâ cha pie mawh ei sy!

RYHPACHANEINA 1:11 ပူးပေါင်းရင်းမြစ်များ

ÂTHAONA 15:5

Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 49:25

Châ bao awpa na paw Khazohpa vâta, Byhnâ châ pie awpa Atotaotheipa vâta, Chô lâ vâ byhnâzy to aw chi ta, A ry lâta ti athupa byhnâzy topa ta, Sâhpi nata chhi byhnâzy na to aw.

2 SAMUELA 24:3

Zôabâ ta abei hnohta, “Abeipa na Khazohpa ta chyhsa a lie za kha ta papôh sala, cha cha ei zibeipa abei mo tlai ta hmô mawh sy! Châhrasala ei zibeipa abei heta he hawhpa hmo he khazia a tao khoh tly i?” tah ta.

1 THÂTIHZYRONA 21:3

Zôabâ ta, “Abeipa ta a phopi he a lie za hluhpi ta papôh mawh sy! Ei zibeipa abei y, râhsaw zydua he ei zibeipa chakaotuhpa sai châ veih ei ma? Khâpa vâta ma ei zibeipa heta he hmo he tao awpa a khoh tly? He hmo heta khazia Izarei chô liata thaileichâna a tlôkhei aw tly?” tah ta.

HLAZY 115:14

Abeipa ta nâ nata na sawzy cha, Cha papôhsa via rili mawh sy!

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

EZEKIA 16:7

Lyurâhpa thody hawhta cha palaiseihsa na ta. Lai lymâ chi ta, na doh seih ta, laihsa chhithai ngaitapa na vaw châ haw. Na sâhpizy pabyuh ta, na sâ seih ta, châhrasala thluahruapa nata sasaihpa ta na y thlâh ha chy.

MALUHREINA 22:12

Khazohpa ta Bâlâma hnohta, “Ama hnohta na sie awpa châ leipa ta, cha phopi cha chhie na sapa awpa châ hra vei. Âmo cha byhnâ a topa ama châ,” tah ta.

MALUHREINA 6:27

“Cha hawhna chata Izarei sawzy chô liata ei moh paysa aw ei ta, kei ta âmo cha byhnâ ei pie aw ei,” tah ta.

RYHPACHANEINA 1:10

Abeipa nama Khazohpa ta cha papôh ei ta, moh teh u, tahmâ cha vâ awhsi zie tlai ta nama vaw pôh haw.

RYHPACHANEINA 1:12

Kheihta ma kei dei ta namâ tymânazy, nama phaohrizy nata namâ eichhianazy ei phaoh thei aw?

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 10:22

Châ pathlatuhpazy kha Izi râh lâ sysari ta zu ei ta, tahmâ cha Abeipa nama Khazohpa ta vâ awhsi zie ta hluhpa ta a cha tao ha ei.

RYHPACHANEINA 28:62

Abeipa nama Khazohpa ao nama nathlie leipa vâta, avâ liata awhsi zie a châ tyhpa ei chi kha, a chyhta dei nama y aw.