RYHPACHANEINA 1:1 - Mara Bible RV (BSI)

¹ He biezy he Zawdâh nochhi lâ râhchawhpa liata Mawsi ta Izarei saw zydua hnohta a reipazy a châ. Cha su cha Arabâ râh Supha dady liata y ta, hiakha lâ baih liata Pârâ y ta, hiakha lâ liata Tôpheli, Lâbâ, Hazerô nata Dizahâ zy a y.

RYHPACHANEINA 1:1 ပူးပေါင်းရင်းမြစ်များ

ÂTHAONA 21:21

Pârâ râhchawhpa liata pahrâ ta, a nô ta Izi zuah a lapinô ta hiapa ta.

1 ABEIZY 11:18

Midia râh tawhta pua ei ta, Pârâ lâ sie ei ta, Pârâ tawhta chyhsa a chhipa ta Izi râh lâ sie ei ta, Izi bei Phiraoh kô za tlô ei ta. Phiraoh ta Hâdâ cha o pie ta, a nie awpa pachâpa ta, râh chhao a pie.

HABAKU 3:3

Khazohpa cha Temâ tawhta a vy ta, Pathaihpa cha Pârâ Tlâh tawhta â vy. Selah A rônahna ta avâ khu ta, A reithaina ta leilô a bie.

MALUHREINA 10:12

Izarei sawzy cha Sinai râhchawhpa tawhta a py py ta sie ei ta, meihdo cha Pârâ râhchawhpa liata a duah ta.

MALUHREINA 11:35

Kibarôhâtavâ tawhta zawpizy cha Hazerô pangaipa ta sie ei ta, Hazerô liata y chy ei ta.

MALUHREINA 12:16

Cha khai tawhta zawpizy cha Hazerô tawhta pua ei ta, Pârâ râhchawhpa liata riehmo paryh ei ta.

MALUHREINA 13:26

Pârâ râhchawhpa Kâdesâ liata Mawsi nata Arawna nata Izarei zawpi zydua yna vaw tlô ei ta. Mawsi nata Arawna nata zawpi zydua hnohta bie vaw phaoh ei ta, a râh theilâpazy chhao pahmô ei ta.

MALUHREINA 13:3

Mawsi ta, Abeipa bie piepa hawhta, âmo cha Pârâ râhchawhpa tawhta pasiesa ta. Ama zydua ta Izarei pathla chhituhpa ama châ.

MALUHREINA 32:19

Zawdâh hesâ nochhi lâ liana heta eima to awpa râh a ypa vâta, keimo cha Izarei sawzy hnohta Zawdâh haosâ nata a khô lâ râh to hra aw ma pi,” tah ei ta.

MALUHREINA 32:32

Chariah chhaichhi a tobipa ta, Abeipa hmiakô liata Zawdâh cha chaka aw pi ta, Kâna râh liata eimâ ngia aw. Râh eima to awpa deikua cha Zawdâh hesâ lâ he a châ aw,” tahpa ta a chhy ei ta.

MALUHREINA 32:5

Chavâta na mo eimâ dy khiahta cha, Zawdâh miah chakasa leipa la, ngiachhiepa ta he râh he eima pahrâ nawpa ta miah pie mah y,” tah ei ta.

MALUHREINA 33:20

Rimôpere tawhta pua ei ta, Libnâ liata riehmo ama paryh.

MALUHREINA 33:21

Libnâ tawhta pua ei ta, Risâ liata riehmo ama paryh.

MALUHREINA 34:15

Chi nopazy nata chi khophie cha, ama ryuto râh châta Zerikô dady ta a ypa Zawdâh haosâ, nochhi baih lâta râhzy ama to haw,” tah ta.

MALUHREINA 35:14

Zawdâh haosâ lâ khih thôh rao aw ei chi ta, Kâna râh liata khih thôh châ aw ta, chazy cha abohna khihpizy a châ aw.

RYHPACHANEINA 2:8

Chatanachata Seirâ liata a pahrâpa eima unawhpa Esaw pathlazy chahrihpa ta, Arabâ lâpi nata Elâthâ nata Eziôkebe zy tawhta lâhlapi ta sie pi ta. Lâ tlei pi ta, Môabâ râhchawhpa lâpi lâta eima sie.

RYHPACHANEINA 27:1

Mawsi nata Izarei machâzy ta zawpizy biepie ei ta, ama hnohta, “Tanoh ta bie eima cha piepa zydua ei he a pyh teh u.

RYHPACHANEINA 29:1

Hezy he Abeipa ta Izarei sawzy hnohta Hôribâ liata bie a hraipa thota, Abeipa ta Mawsi hnohta Môabâ râh liata biepie heih ta, Izarei sawzy chô liata bie a hraipazy a châ.

RYHPACHANEINA 31:1

Mawsi ta Izarei saw zydua hnohta bie reih lymâ ta.

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

RYHPACHANEINA 4:46

Izi râh tawhta ama kaw pua nota, Mawsi nata Izarei sawzy ta ama thiepa, Hesbaw liata a ypa Amawri bei Sihaw râh liata Bepeô dady Zawdâh nochhi lâ liata a reipa biezy a châ.

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.

ZAWSUA 22:7

Manase chi khophie cha Mawsi ta Bâsanâ râh liata ryuto râh pie ta, chi khophie deikua cha Zawsua ta notla lâ Zawdâh haosâ liata ama unawhzy hry liata ryuto râh a pie ei. Ama o lâ a padisa chy ta Zawsua ta âmo cha byhnâ awpa ta,

ZAWSUA 3:16

machha lâ tawhta ti a zâ loh haipa cha a duah ta, lâhlapi taihta, Zarethâ kiapâh ta a ypa Âdâh khihpi taihta â sâh pi ta a opa ta a toh ta, Tilaipi Iahpa, Arabâ Tilaipi lâta a lohpa ti cha chie pachhô ta, zawpizy cha Zerikô khih dady liata Zawdâh haosâ lâ ama pua haw.

ZAWSUA 9:1

Zawdâh haosâ tlâh râh nata bypi nata Tilaipi Laipa ngiahkâ zydua liata Lebanaw taihta a ypa bei zydua, Hiti bei, Amawri bei, Kâna bei, Perizi bei, Hivi bei nata Zebu beizy ta Izarei sawzy thâtih ama thei nahta,

ZAWSUA 9:10

Zawdâh haosâ liata Amawri bei pano, Hesbaw bei Sihaw nata Astarô liata a ypa Bâsanâ bei Ôkâ chô liata a hmotaopa zydua eima thei.

1 SAMUELA 25:1

Samuela cha thi ta. Izarei zydua a hmaohpakhy ei ta, ano châta mâchhiesa ei ta, Râmâ liata a ohmo liata ama pabu haw. Dâvi cha thyu ta, Pârâ râhchawhpa lâ zu ta.