RUTHI 4:11 - Mara Bible RV (BSI)

¹¹ Khihpi hawka liata zawpi zydua nata machâzy ta, “Pahnokheituhpazy eima châ. Na o liata chanô a vaw ngiapa cha, Izarei phopi hmaohkha ta a paduapa Râkheli nata Liah hawhna khata Abeipa ta tao mawh sy. Ephrâthâ liata na nohâh y sala, Bethlehe liata na moh pathâh mawh sy.

RUTHI 4:11 ပူးပေါင်းရင်းမြစ်များ

ÂTHAONA 23:10

Cha nota Epharaw cha Hiti mo hry liata a tyuh thlâh ha hra ta. Hiti chyhsa Epharaw ta Hiti mo nata khihpi chhikao liata a ypa zydua theina liata Abarahâ hnohta,

ÂTHAONA 24:60

Rebekâ cha byhnâ awpa ei ta, a hnohta, “Eima sietanô y, Thysâh hluhpi nô vaw châ la; Na pathlazy ta âmo a haotuhpazy Thokhy chhikao hnei mawh ei sy!” tah ei ta.

ÂTHAONA 29:16

Lâbâ cha sawchanô pano hnei ta, a uhtheinô moh cha Liah châ ta, a seihnainô moh cha Râkheli a châ.

ÂTHAONA 29:25

My vaw châ ta, moh ta, Liah vaw châ thlâh ha ta. Zakaw ta Lâbâ hnohta, “Ei chô liata na hmotaopa he khâpa ma a châ tly? Râkheli hnei awpa ta cha chakao va na mâ? Khazia eina dôvei chi?” tah ta.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 35:23

Liah sawchapawzy cha Zakaw sawchapaw uhtheipa Rubena, Simeôna, Livai, Zudâh, Iskâra nata Zebulawna zy ama châ.

ÂTHAONA 35:24

Râkheli sawchapawzy cha Zawsi nata Benzami ama châ.

1 ABEIZY 21:8

Chatanachata Ahabâ moh ta châ roh ta, Ahabâ châ chahnaona ta chahnao ta, cha cha Nâbô yna khihpi liata a pahrâlâhpa machâzy nata chhituhpazy lâ paphao ta.

1 THÂTIHZYRONA 2:51

Bethlehe paw Salmâ nata Bekade paw Harepha zy ama châ.

HLAZY 132:6

Cha bie cha Ephrâthâ liata thei pi ta, Ziari lyuzy liata eima hmô.

BIESOZY 14:1

Chanô sopa cha a o sa ta, Chanô hrupa deikua cha ano ku tlai ta a o a parao.

BIESOZY 31:23

Thokhy chhikaozy liata râh machâzy hnohta a vahpa â tyu nota, A vahpa cha zawpi pahnopa a châ.

ZEREMIAH 32:10

Râh chaleina ryuchâ liata ei moh roh na ta, moh chahnaona ta chahnao pa-i na ta, pahnokheituhpazy pahmaohpa ta, tâkâ cha khopathliahna ta ei pathliah.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MATHAI 2:6

“‘Nâ, Bethlehe, Zudâh râh liatapa, Zudâh ryureituhpazy hry liata chyh chai cheita aw va chi; Ei phopi Izarei vaih awpa ta, Na chhôh tawhta ryureituhpa a vaw pua awpa vâta,’ tahpa ta a vaw roh,” tah ei ta.

RYHPACHANEINA 25:7

Unawh ahrohpa ta a unawhpa athipa lapinô cha a hnei khoh vei khiahta cha, a unawhpa lapinô cha thokhy chhikao liata machâzy lâ khy aw ta, ‘Ei vahpa unawhpa ta Izarei hry liata a unawhpa moh paysa lymâ awpa khoh leipa ta, vahpa unawhpa tao awpa ei chô liata tao khoh vei,’ a tah aw.

RYHPACHANEINA 25:9

a unawhpa lapinô ta machâzy hmiakô liata ano lâ pangai aw ta, a pheiky pahluhpa aw ta, a hmia liata a pachih pachhao aw ta, ‘A unawhpa chhôhkha a padua khoh leipa cha, a chô liata he hawhta taopa châ mawh sy,’ a tah aw.

RUTHI 1:2

Cha chyhsa moh cha Elimele châ ta, a lapinô moh cha Naomi châ ta, a sawchapaw panozy moh cha Mâhlô nata Khilô a châ. Âmo he Zudâh râh Bethlehe khih liata a ypa Epharai chi ama châ. Môabâ râh lâ sie ei ta, cha liata y ei ta.