RUTHI 3:7 - Mara Bible RV (BSI)

⁷ Bôaza cha nie ta a doh khai nahta, a palôh a ly ngaita ta, vawh ta sâh pathluna chhâna liata a kei zia ta. Ruthi cha a zyhta ta vawh ta, a phei lâta poh cha hy ta, a phei thaby liata a zia ta.

RUTHI 3:7 ပူးပေါင်းရင်းမြစ်များ

ÂTHAONA 43:34

Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

2 SAMUELA 13:28

Absalaw ta a chakaotuhpazy hnohta biepie ta, “Ngia u la, Amanaw palôh cha kresawhti vâta thapha ngaitapa ta a y nahta, nama hnohta, ‘Amnaw kha thie teh u,’ ei cha tah ti ei ta, thie muh vy. Chi khuh vy. Bie ei cha pie ei. Nama riah a papha u la, a pachyu teh u,” tah ta.

1 ABEIZY 21:7

A lapinô Zezebel ta a hnohta, “Izarei bei châ va chi ma? Thyu la pati nie la, palôh thaphapa ta y mah y. Zezari chyhsa Nâbô kre sadô cha keima ta ei cha pie aw,” tah ta.

ESTHERI 1:10

A noh sarina noh ta, abei cha kresawhti vâta a palôh thathyu kaw ta, chatanachata bei chakaotuhpa pasarizy, Mehumâ, Bizathâ, Hôbônâ, Bithâh, Abathâ, Zethâ nata Kâkâ zy cha,

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

BIECHHOTUHPA 10:19

Pahnei awpa ta kyhchhi taopa châ ta, Kresawhti ta hro palysa ta, Tâkâ cha khopa to hneina a châ.

BIECHHOTUHPA 2:24

Chyhsapa châta, niepa ta doh ta, a hriapasana liata alyna hneipa hlâta a pha viapa y vei. Cha chhao cha Khazohpa tawhta a châ tahpa ei hmô haw.

BIECHHOTUHPA 8:15

Chavâta chyhsapa châta hro lyna hnei awpa ei khokhei. Noh ry liana heta niepa ta doh ta, a lypa ta y awpa hlâta a pha viapa chyhsapa châta y vei. Chatanachata noh ry liata Khazohpa ta a piepa a hro chhôh noh zydua liata, alyna chôta a hriapasa lymâ thei aw.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

EPHESI 5:18

Kresawhti paripa ta y khah u, parina liata a sohsi leina y tlôh ta, Thlahpa ta biepa ta tlao y teh u.

RYUREITUHPAZY 16:25

Ama palôh a thapha ngaita nota, “Sâsawna kha aw u la, miah vaw palypauasa tua se,” tah ei ta. Chatanachata Sâsawna cha patâhna o tawhta aw papua ei ta, âmo cha palypauasa ta. Otôh nata otôh likawh liata paduasa ei ta,

RYUREITUHPAZY 19:22

Palôh thaphapa ta ama y hai nota, moh teh u, khihpi chyhsa moleipazy ta o cha vaw dôh ei ta, ochhi thata phy ei ta. O hneituhpa pawpipa hnohta, “Na o liata a vaw tlôpa chapaw kha vaw papua teh, eima ykhei aw,” tah ei ta.

RYUREITUHPAZY 19:6

A tyuh ei ta, ama pano ta nie khoh doh khoh heih ei ta. Chanô paw ta a hnohta, “A ly kawpa ta tazâ cha a rie la, palôhtlâhpa ta y mah y,” tah ta.

RYUREITUHPAZY 19:9

Chatawhcha Livai chyhsa nata a nôtho nata satliapa cha sie awpa ta thyu ei ta, a puhpa, chanô paw ta a hnohta, “Moh teh, noh hawh a zei ha ta a zâlâ ha hih. Ngiachhiepa ta tazâ cha a rie thlâh ha teh u. Moh teh, noh a tla ha hih, he liata a rie la, na palôh a palysa chy teh. Mylâ thyu patoh aw ei chi ta, o lâ cha sie lah vâ ei chi,” tah ta.

RUTHI 3:6

Ruthi cha sawhri lâ zu ta, a nohnô biepiepa hawhta tao ta.

RUTHI 3:8

Zâcho ta khâpa tlyma ta Bôaza cha pahra ta, a palie ta, chanô pakha tlai cha a phei thaby liata a vaw zia thlâh ha ta.