RUTHI 3:10 - Mara Bible RV (BSI)

¹⁰ Bôaza ta, “Ei sawchanô y, Abeipa ta byhnâ cha pie mawh sy! Satlia sipasapa tlyma, hneirôhpa tlyma, na pazi leina liana heta, hmia lâta hmo pha na taopa hlâna chhao khata, tahmâ ta na hmo pha taopa he a rônah via syulyu.

RUTHI 3:10 ပူးပေါင်းရင်းမြစ်များ

ÂTHAONA 24:31

Lâbâ ta, “Nâ, Abeipa byhnâ a topa y, a vaw ngia mah y. Khazia khih khôtho liata nâ duah thlâh haw? O pachhuahpanoh ha na ta, râraoseihpazy châta su ei paryh haw,” tah ta.

RUTHI 1:8

Naomi ta a myuhnô panozy hnohta, “Sie u la, nama nô o chyu lâta kua ha muh vy, athipazy chô liata nata keima chô liata nama taopa hawhna heta, Abeipa ta nama chô liata nôpha ngaitapa ta tao hra mawh sy.

RUTHI 2:11

Bôaza ta a chhy ta, a hnohta, “Na vahpa a thi tawhta na nohnô chô liata na hmotaozie zydua â kipa ta na chho khai ha ei ta, na nô nata na paw nata na pina râh zy vaw siesaipa ta, na pahno beih leipa phopi lâta nâ vypa chhao eina chho khai ha ei.

RUTHI 2:20

Naomi ta a myuhnô hnohta, “Ahrohpa nata athipa chô liata a phana khâ a palâsa tyhpa Abeipa ta ano cha byhnâ pie mawh sy,” tah ta. Naomi ta a hnohta, “Kha chyhsa kha eima heinawh hniapa, miah a chatlaituh awpazy hry liata pakha a châ,” tah ta.

RUTHI 2:4

Bôaza cha Bethlehe tawhta vaw tlô ta, sâh hriatuhpazy hnohta, “Abeipa nama hnohta y mawh sy!” tah ta. Âmo ta, “Abeipa ta byhnâ cha pie mawh sy,” tahpa ta a chhy ei ta.

RUTHI 3:9

“Ahy na châ?” tah ta. Chanô ta “Châ chakaotuhnô Ruthi ei châ. Heinawh hniapa châ chi ta, chavâta châ chakaotuhnô he na poh na hy teh,” tah ta.

1 SAMUELA 15:13

Samuela cha Sawla kô kei tlô ta, Sawla ta a hnohta, “Abeipa ta byhnâ cha pie mawh sy, Abeipa biepiepa cha ei tao haw,” tah ta.