RUTHI 3:1 - Mara Bible RV (BSI)

¹ Chatawhcha a nohnô Naomi ta Ruthi hnohta, “Ei sawchanô y, na châta a pha awpa apahâna su cha tluapa aw va na ma?

RUTHI 3:1 ပူးပေါင်းရင်းမြစ်များ

ÂTHAONA 40:14

Phana na to tita, nâ thei thlâh ha la, ngiachhiepa ta ei chô liata phana palâsa la, Phiraoh hnohta ei thâtih reih la, he o tawhna heta rie na papua mah y.

HLAZY 128:2

Na ku hriapasana thei niepa ta, Vânoh topa ta y aw chi ta, Na châta a pha aw.

1 KAWRINI 7:36

Ahy rai lapinô châta â pahawhpa laihsa kôpa chô liata a hmotaopa â do leipa hawhta a pahno sala, a sapa khona â kuah thei leipa khiahta cha, a lapinô â pahawhpa cha, a khozie hawhta hnei patoh mawh sy. Moleina châ vei. Amâ hneipa a pha.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.

RUTHI 1:9

Abeipa ta nama vahpazy o liata namâ pahâ thei nawpa ta, nama pano ta cha ngiachhie mawh ei sy!” tah ta. Chatawhcha a myuhnôzy cha a pahnâ ta, aoh tlili ta cha ei ta.

RUTHI 2:23

Chatanachata Ruthi cha Bôaza laihsazy kiapâh lia ypa ta, bâli sâh nata âtâ sâhzy hria khaina taihta kâmo cha tho ta. Ruthi cha a nohnô hnohta pahrâ ta.

RUTHI 3:2

A laihsazy hnohta kâmo na thohna paw Bôaza kha eima heinawh hniapa a châ. Moh teh, tazâ cha sawhri liata bâli sâh a zie aw.