RUTHI 2:19 - Mara Bible RV (BSI)

¹⁹ A nohnô ta a hnohta, “Khataih liata ma tanoh kâmo na tho? Khataih liata ma na hria? Châ pahno khohpa chyhsa cha byhnâ topa ta y mawh sy,” tah ta. Ahy hnohta ma a hria tahpa Ruthi ta a nohnô cha chho ta, a hnohta, “Tanoh rai ei kei hriana paw moh cha Bôaza a châ,” tah ta.

RUTHI 2:19 ပူးပေါင်းရင်းမြစ်များ

1 ABEIZY 7:21

Dawh tôhzy cha Achhyna o aikah liata bô ta. Chho lâ chhâh ta tôh kha bô ta, a moh Zaki bi ta, maw lâ chhâh ta tôh kha bô ta, a moh Bôaza a bi.

HLAZY 41:1

Dyhchhiepazy a pachâtuhpa cha a nohlao na! Nôpona noh liata Abeipa ta ano cha pachha ta,

HLAZY 41:2

Abeipa ta vaih ta a pahro. Alei liana heta nohlaopa tah ei ta, A chariahpazy khozie ta ano cha hlâ va chi.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

RUTHI 2:10

Ruthi cha â khu lâta pao ta, alei lâ a bôh ta, Bôaza hnohta, “Chihropa châ na ta, châhrasala na pahno khoh chi ta, na mohmô liata ngiachhiena ei vaw hlao thlâh hapa he kheihtazie ta ma a châ tly?” tah ta.