RUTHI 2:14 - Mara Bible RV (BSI)

¹⁴ Pati nie â vaw daih nahta, Bôaza ta Ruthi hnohta, “He lâ a vy la, viahchhâzy he vaw nie la, na viahchhâ tlâzy kha kresawhti thaopa liana he vaw ny teh,” tah ta. Chatanachata Ruthi cha sâh hriatuhpazy kiapâh liata a tyuh hra ta, Bôaza ta viahchhâ pakâhpa pie ta. A py biena taih nie ta, a nie laibâhpa chhao a y.

RUTHI 2:14 ပူးပေါင်းရင်းမြစ်များ

2 SAMUELA 17:28

hmohphawzy, rahôzy, alei beihzy, âtâ sâhzy, bâli sâhzy, viahchhâ pakâhpa zy, biazy, abiezy, abiah chateipazy,

HLAZY 23:5

Ei khakhaipazy mohmô ta, Ei hmiakô liata tlâhkhai nâ chhuahdy chi ta, Ei luh he sathaw thu chi ta, Ei nyu chhao a khô pathlah.

ISAI 32:8

Zachhihpa deikua cha, Zachhihpa hmozy pachhuahpanoh ta, Zachhihpa hmozy liata â duah tyh.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

MATHAI 14:20

Ama zydua ta nie ei ta, ama rih bie khai ta. Nie laibâhpa chhao hrâbyh hmo hrawh hleino tlai a huah ei ta.

RYHPACHANEINA 11:15

Nama sahrohzy châta nama lyuzy liata sibiepa paysa aw na ta, nie aw ei chi ta, aoh veipa ta nama y aw.

RYHPACHANEINA 8:10

Nie aw ei chi ta, lôhrâtlôpa ta nama y tita, râh phapa châ pietuhpa Abeipa nama Khazohpa cha reithai muh vy.

RUTHI 2:13

Ruthi ta, “Ei zibeipa y, na mohmô liata khokheina ei hlaopa a châ hih! Na laihsazy hry liata a hlao pha vei hraw sah la, châ chakaotuhnô he thlah na palôh chi ta, reikah phapa ta bie einâ chho chi hih,” tah ta.

RUTHI 2:15

Ruthi cha kâmo thoh heih awpa ta â thao nahta, Bôaza ta a satliazy hnohta, “Sapiahzy hry liata sâh su chhao palasa u la, pakhâ khuh vy.

RUTHI 2:18

Sâh cha phaoh ta, khihpi lâ sie ta. A kâmo thohpa cha a nohnô ta hmô ta. A py a bie tawhta a nie laibâhpa a vaw phaopa cha a nohnô pie ta.

1 SAMUELA 17:17

Zese ta a sawchapawpa Dâvi hnohta, “Sâh pakâhpa kachu hmo kha nata he viahchhâ tlâ hrawh he, na uhtazy châta phaoh la, na uhtazy riehmo lâ vawkhei para mah y.

1 SAMUELA 25:18

Abikai cha a para kawpa ta viahchhâ tlâ za no, kresawhti ôh no, thlai chho thei awpa ta tao chiehpa mietaku pô pangawh, sâh pakâhpa saikhua hmo pangawh, kre thei pachawhpa sao za kha, theiku viahchhâ pakâhpa tlâ za no zy la ta, alâ paphaosa ta.