RUTHI 2:10 - Mara Bible RV (BSI)

¹⁰ Ruthi cha â khu lâta pao ta, alei lâ a bôh ta, Bôaza hnohta, “Chihropa châ na ta, châhrasala na pahno khoh chi ta, na mohmô liata ngiachhiena ei vaw hlao thlâh hapa he kheihtazie ta ma a châ tly?” tah ta.

RUTHI 2:10 ပူးပေါင်းရင်းမြစ်များ

ÂTHAONA 18:2

Mohmia pasaih ta, ano kiapâh liata chyhsa pathôh â duahpa hmô ta. A hmôpa nahta, âmo dy awpa ta poh o chhikao tawhta a kei râ ta, alei lâ a bôhpa ta âmo cha a naoh ta,

2 SAMUELA 19:28

Ei paw chhôhkhapa zydua cha ei zibeipa abei hmiakô liata a thi khai tlâh châ tlai ei ta, châhrasala châ chakaotuhpa he pati na dôh lâhpazy hry liata eina pahlao chi. Abei hnohta a haw via awpa ta khâpa thaichâna ma ei hnei khao?” tah ta.

2 SAMUELA 7:18

Chatawhcha Bei Dâvi cha a ngia ta, Abeipa hmiakô liata a tyuh ta, a hnohta, “Hy Abeipa Zehôvâh y, ahy ma châ na ta, ei chhôhkha he khâpa châ ta ma, he taih heta einâ vaw chhi chi tly?

2 SAMUELA 9:8

Mephibôse ta a naoh ta, a hnohta, “Kei i thiruapa, châ chakaotuhpa hawhpa na he, khâpa ma châ na ta, cha hawhta eina pachâ khoh chi tly?” tah ta.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

MATHAI 25:35

Ei nodi ta, nie awpa na pie ei chi ta; ei dâhphi ta, do awpa na pie ei chi ta; khichhaipa châ na ta, na patlôsa ei chi ta;

LUKA 1:43

He nohlaona he kheihtazieta a topa ma ei châ tly, ei Beipa nô ta eina vaw tly thlâh hapa chi he?

LUKA 1:48

A seichanô nawhpa he a ngiachhiepa vâta. Tahmâ tawhta cha, Chhâ zydua ta nohlaonô eina tah aw ei.

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

RUTHI 2:11

Bôaza ta a chhy ta, a hnohta, “Na vahpa a thi tawhta na nohnô chô liata na hmotaozie zydua â kipa ta na chho khai ha ei ta, na nô nata na paw nata na pina râh zy vaw siesaipa ta, na pahno beih leipa phopi lâta nâ vypa chhao eina chho khai ha ei.

RUTHI 2:13

Ruthi ta, “Ei zibeipa y, na mohmô liata khokheina ei hlaopa a châ hih! Na laihsazy hry liata a hlao pha vei hraw sah la, châ chakaotuhnô he thlah na palôh chi ta, reikah phapa ta bie einâ chho chi hih,” tah ta.

RUTHI 2:19

A nohnô ta a hnohta, “Khataih liata ma tanoh kâmo na tho? Khataih liata ma na hria? Châ pahno khohpa chyhsa cha byhnâ topa ta y mawh sy,” tah ta. Ahy hnohta ma a hria tahpa Ruthi ta a nohnô cha chho ta, a hnohta, “Tanoh rai ei kei hriana paw moh cha Bôaza a châ,” tah ta.

RUTHI 2:2

Môabâ zuah Ruthi ta Naomi hnohta, “Lyu lâ sie aw na ta, a mohmô liata ngiachhiena ei hlaopa lyu liata kâmo ei kei tho aw,” tah ta. Naomi ta a hnohta, “Ei sawchanô y, sie mah y,” tah ta.

RUTHI 2:9

Sâh ama hria ngâna su moh la, âmo cha pazi laih mah y. Satliazy ta kheihta hmahta ama cha tah lei nawpa ta, bie ei pie ha ei. Na dâh a phi tita, tibyhzy sona lâ vawh la, satliazy thai chiehpa ti doh lymâ mah y,” tah ta.

1 SAMUELA 25:23

Abikai ta Dâvi a hmô nahta, alâ tawhta chô para ta, Dâvi hmiakô liata a hmia alei lâ a khupa ta pao ta, a naoh ta.