RUTHI 1:16 - Mara Bible RV (BSI)

¹⁶ Ruthi ta, “Nâma cha siesai awpa tlyma, nâma ei cha pazipa tawhta kua awpa tlyma ta na reipasao khah y. Na siena lâ maih sie aw na ta, nâ riena maih liata ei rie hra aw. Na chiheihzy cha ei chiheihzy châ aw ei ta, na Khazohpa cha ei Khazohpa a châ aw.

RUTHI 1:16 ပူးပေါင်းရင်းမြစ်များ

2 SAMUELA 15:21

Châhrasala Itai ta abei cha a chhy ta, a hnohta, “Abeipa hrona na­ta ei zibeipa abei hrona reipa ta ei reih, ei zibeipa abei yna maih liata, thina rai châ sala, hrona rai châ sala, cha liata châ chakaotuhpa chhao he ei y lymâ hra aw,” tah ta.

HLAZY 45:10

Hy ei sawchanô, nathlie la, Pachâ la, na nah pachôh la, Na phopi nata na paw o my ha mah y!

BIESOZY 17:17

Viasa cha khatino rai ta kyhpachâ ta, Unawhpa deikua cha tymâna daihti châta a pihpa a châ.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MATHAI 8:19

Ryhpa pachutuhpa pakha a vy ta a hnohta, “Pachutuhpa, na siena lâ maih ei cha zi aw,” tah ta.

ZAWHÂNA 13:37

Pity ta a hnohta, “Abeipa, khazia tahmâ chhao ei cha zi thei aw vei? Na châta ei hro ei hlâ aw,” tah ta.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

ZAWSUA 24:18

Abeipa ta phopi zydua, cha râh liata a pahrâpa Amawri mo chhao, eima hmiakô tawhta a papua khai ei. Chavâta keimo chhao Abeipa eima chakao aw, ano cha eima Khazohpa a châ,” tah ei ta.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.

RUTHI 1:15

Naomi ta, “Moh teh, na narônô cha a chiheihzy lâta nata a khazohzy lâta a kua ha huh, nâ chhao na narônô hao pazi la kua ha hra mah y,” tah ta.

RUTHI 1:17

Na thina liata thi aw na ta, cha liata eina pabu aw ei. Nâ nata kei he, thina dei leipa ta, hmo hropa ta miah a pachhaih khiahta cha, Abeipa ta ei chô liata a kho ta tao sala, cha hlâta pasa viapa chhao ta tao mawh sy,” tah ta.

RUTHI 2:6

Sâh hriatuhpazy hyutuhpa ta a chhy ta, “Môabâ laihsa, Môabâ râh tawhta Naomi hnohta â vypa a châ.

RUTHI 4:15

Ano cha hrona châ pie pathituhpa châ aw ta, na machâ râhsâ ta châ chyhtuhpa a châ aw. Kyh châ pachâpa na myuhnô, sawchapaw pasari hlâta na châta a pha viapa ta ano cha a sa ha hih,” tah ei ta.