RAWMA 9:7 - Mara Bible RV (BSI)

⁷ Abarahâ pathlazy ama châpa vâta, ama zydua ta a sawzy châ khai hra veih ei. “Aisika liana heta na pathlazy a laichadaipa a châ aw,” tahpa tlao a châ.

RAWMA 9:7 ပူးပေါင်းရင်းမြစ်များ

ÂTHAONA 21:12

Khazohpa ta Abarahâ hnohta, “Hawtipa vâta nata na seichanô vâta na pachâ a parôhsa leipa la, Sârâ ta na hnohta a reipa maih, a reipa hawhta tao mah y. Aisika tawhta na pathlazy a laichadaipa a châ aw.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

LUKA 16:30

Hneirôhpa ta, ‘Châ vei, ei paw Abarahâ y, athihpa hry tawhtapa tlai ta âmo lâ a vaw khiahta cha, ama ro aw,’ tah ta.

LUKA 3:8

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

ZAWHÂNA 8:33

Âmo ta a hnohta, “Abarahâ pathlazy châ pi ta, ahy sei ta hmah y beih ma pi. Kheihtazieta, ‘Khotalaipa nama châ aw,’ a tahpa ma na châ?” tah ei ta.

KALATIA 4:23

Seichanô chô liata sawchapaw cha, sapa ryhpa hawhta pih ta, khotalaipa chanô chô liata sawchapaw deikua cha, bietai vâta a pihpa a châ.

KALATIA 4:28

Chavâta unawh saih u, keimo cha Aisika hawhta, bietai sawzy eima châ.

PHILIPI 3:3

Keimo, Thlahpa ta Khazohpa a chhypa, Krista Zisu a palaikheipa nata sapa liata ngâna rai a pahnie leipazy pi he, chopawtaipazy cha eima châ.

HEBRAI 11:18

“Aisika liata na pathlazy a laichadaipa a châ aw,” tahpa ta chhopa chyhsa ta, a sawchapaw matlupa a hlâ.