RAWMA 9:4 - Mara Bible RV (BSI)

⁴ Izarei chyhsa châ ei ta, saw châna, rônahna, biehrai, ryhpa piena, achhyna nata bietai zy âmo eih a châ.

RAWMA 9:4 ပူးပေါင်းရင်းမြစ်များ

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

ÂTHAONA 17:10

He he kei nata nâ nata na hnôhlâ ta na pathlazy likah liata ei biehrai châ ta, nama zi awpa nata zyh awpa biehrai a châ: Nama hry liata chapaw maih ama chopaw tai khai awpa a châ.

ÂTHAONA 17:2

Chatanachata keima nata nâma likah liata ei biehrai tao aw na ta, maluh thata ei cha papôhsa aw,” tah ta.

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

1 ABEIZY 8:11

meihdo vâna chata theihthaipazy cha chakao awpa ta a duah thei khao veih ei. Abeipa rônahna ta Abeipa o cha a bie khai haw.

NEHEMIAH 13:29

Hy ei Khazohpa y, theihthaipa raihria, theihthaipa biehrai nata Livai biehrai ama papuapaleipa vâta, âmo cha a thei thlâh ha mah y.

HLAZY 147:19

Zakaw hnohta a bie phuah ta, Izarei hnohta a bieraopazy nata a ryhpazy a phuah.

HLAZY 63:2

Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

HLAZY 73:1

Khazohpa cha Izarei chô liata pha ta, Palôh pathaihpazy chô liata a vaw pha tlai na.

HLAZY 78:61

A thatlôna cha sei châ awpa ta hlâ ta, A rônahna chhao a khakhaipa ku liata a hlâ haw.

HLAZY 89:3

“Ei tlyhpa chyhsa hnohta biehrai tao na ta, Nâ chakaotuhpa Dâvi hnohta bie ei taih haw:

HLAZY 89:34

Ei biehrai parao leipa aw na ta, Ei pakah tawhta bie a pua hapa panano aw va na.

HLAZY 90:16

Châ chakaotuhpazy ta na hmotaopa hmô ei sala, Ama pathlazy ta na hmotaotheina rônahpa hmô mawh ei sy!

PUASAINA 12:25

Abeipa ta bie â taihpa hawhta râh a cha pie awpa ei nama tlô tita, he chakaona he nama pazao lymâ awpa a châ.

PUASAINA 34:27

Abeipa ta Mawsi hnohta, “He biezy he roh teh. He biezy hmâpa heta, nâ nata Izarei hnohta bie ei hraih haw,” tah ta.

PUASAINA 4:22

Chatawhcha Phiraoh hnohta, ‘Abeipa ta hetana heta a tah: Izarei cha ei sawchapawpa, ei sawchapaw uhtheipa a châ.

PUASAINA 40:34

Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 46:3

“Hy Zakaw pathlazy saih u, Na nathlie u la; Hy Izarei pathla laibâhpazy saih u, Na nathlie teh u; Py chhôh tawhta ei pyhpazy châ ei chi ta, Chhi tawhta ei pipazy nama châ.

ISAI 5:2

Alei chhiah ta, alôzy thypa ta, Kre zôh pha chaipa loh ta; A liah liata vaina o sâhpa sa ta, Cha liata kre saohna khaoh a chao. Kre thei pha pathei awpa ta mokhâh ta, Châhrasala kre sihpa tlao a pathei.

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

EZEKIA 1:28

A chheipâh zydua liata khaihna alânazie cha, vâsua noh ta meihdo liata meisaku alânazie hawhta a châ. Abeipa rônahna lyuna alânazie cha, cha hawhna chata a châ. Ei hmô nahta, â khu lâta pao na ta, bie a reihtuhpa ao cha thei na ta.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

MALUHREINA 7:89

Mawsi cha Abeipa bie a chho awpa ta ahmaohna poh o chhôh lâ â ngia nahta, Biehrai Byh chô liata a ypa zawngiahna dyuchhai chô lâta cherubi miano likawh tawhta ano bie a vaw chhopa ao thei ta. Abeipa ta Mawsi cha bie a chho ta.

MATHAI 21:33

“Pakhona bie hropa nathlie teh u. Lyu a hneipa chyhsa pakha y ta, kre sadô tao ta, diahpai ta dôh ta, kre saohna khaoh chao ta, o sâhpa sa ta, a kre sadô cha lyutaopazy hnohta thlyu hlao awpa ta pie ta, râh hro lâ sie ha ta.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

HMOTAOPAZY 2:39

Bietai cha nâmo châta châ ta, nama sawzy châta châ hra ta, lâhlapi ta a ypa zydua châta chhao châ ta, Abeipa eima Khazohpa ta a awpa zydua châta a châ,” tah ta.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

RAWMA 8:15

Chipa ta y heih awpa ta seichâna thlahpa nama topa châ leipa ta, saw châna Thlahpa tlao to ei chi ta, cha Thlahpa vâna chata “Âbâ! Ei paw!” tahpa ta eima aw theipa a châ.

RAWMA 9:6

Châhrasala Khazohpa bie cha hraoleipa ta a y tahna châ vei. Izarei pathla zydua Izarei châ khai hlei veih ei.

2 KAWRINI 11:22

Hebrai chyhsa ama châ ma? Kei chhao ei châ. Izarei chyhsa ama châ ma? Kei chhao ei châ. Abarahâ pathla ama châ ma? Kei chhao ei châ.

KALATIA 3:16

Bietaizy cha Abarahâ nata a chipathla hnohta taopa a châ. “Chipathlazy hnohta,” tahpa ta chyhsa hluhpi hnohta bie hraipa châ leipa ta, “Na chipathla hnohta,” tahpa ta mopakha a nuapa ta biehraipa châ ta, cha cha Krista a châ.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

RYHPACHANEINA 14:1

“Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.

RYHPACHANEINA 29:1

Hezy he Abeipa ta Izarei sawzy hnohta Hôribâ liata bie a hraipa thota, Abeipa ta Mawsi hnohta Môabâ râh liata biepie heih ta, Izarei sawzy chô liata bie a hraipazy a châ.

RYHPACHANEINA 29:14

He biehrai nata bietai he nâmo hnoh dei ta a taopa châ leipa na ta,

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 4:13

Nama hnohta a biehrai phuah ta, zyh awpa ta bie a cha pie ei. Cha cha Biepiepa Miahrawh châ ta, Abeipa ta lôphia miano liata a ropa a châ.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

HEBRAI 9:1

Biehrai hmiatuapa chhao khata Khazohpa achhyna siekheizie nata lei liata supathaihpazy a hnei.

HEBRAI 9:10

Hmopiepa nata atheihnazy cha niedozy nata apasipathaina nanopazy kyh deita châ ei ta, sapa lâ ryhpa, taopathina daihti tlô hlâta hmâ awpa ryhpazy deita ama châ.

HEBRAI 9:3

Pohraipa mianona khô liata chhôhpadâhpa cha Su Pathaih Chaipa tahpa a châ.

HEBRAI 9:5

A chô lâta cherubi rônahpazy y ei ta, chazy chata zawngiahna dyuchhai ama khu. Cha kyhzy cha tahmâ â kipa ta reih thei mâh ma pi.

HEBRAI 9:6

Cha hawhta ato pachhuahpanohpa a châ khai tawhta, theihthaipazy cha ama chakaona rai hria awpa ta, byureih tytuapa lâ cha noh chareih amâ ngia tyh.