RAWMA 9:25 - Mara Bible RV (BSI)

²⁵ Khazohpa ta Hôsia châbu liata hetana heta a reipa kha: “Ei phopi a châ beih leipa cha, ‘Ei phopi,’ tah aw na ta; Kyhpachâ beih leipa cha, ‘Kyhpachâpa,’ ei tah aw.”

RAWMA 9:25 ပူးပေါင်းရင်းမြစ်များ

2 SAMUELA 7:24

Chatanachata na phopi Izarei cha chhâzaw ta nâma phopi châ awpa ta padua chi ta, nâma tlai cha, Hy Abeipa, ama Khazohpa na vaw châ haw.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

HÔSIA 2:23

Cha chanô cha, Ei châta alei liata loh aw na ta, Lôruhâmâ cha ‘Ei kyhpachâpa’ ei tah aw; Lôami chhao ‘Ei phopi na châ’ tah aw na ta, Ano ta, ‘Ei Khazohpa na châ’ eina tah aw.”

ZAWHÂNA 16:27

Ei kyh na pachâ ei chi ta, Paw tawhta a zupa ei châpa namâ ngiapâpa vâta, Paw ta kyh a cha pachâ ei.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

1 PITY 2:10

Hlâno ta cha phopi châ leipa ei chi ta, tahmâ deikua cha Khazohpa phopi nama châ haw. Hlâno ta cha zawngiahna hmô leipa ei chi ta, tahmâ deikua cha zawngiahna nama hmô haw.