RAWMA 9:22 - Mara Bible RV (BSI)

²² Khazohpa ta a hiehâhna palâsa ta, a hmotaotheina pahnosa awpa khoh hra sala, hiehâhna beih a leidia tlâhpazy chô liata palôh pasi ngaitapa ta a dao lylia khiahta cha, khâpa a pei aw?

RAWMA 9:22 ပူးပေါင်းရင်းမြစ်များ

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

HLAZY 90:11

Ahy ma na hiehâhna hmotaotheizie pahno ta, Chi nâ chhihna nata na pathiiana chichhihzie a pahno tly?

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

MALUHREINA 14:11

Abeipa ta Mawsi hnohta, “He chyhsazy heta khachâ ma eina mohnao aw ei? Ama hry liata ngiana hmonoâhpazy ei taona chôta khachâ ma na ngâ leipa ta ama y aw?

MALUHREINA 14:18

‘Abeipa cha hiehâhna kyh liata nainôsôpa châ ta, kyhpachâna hnei hluh ngaita ta, moleina nata hmoparaonazy a ngiahthai theipa a châ. Thailei a châpazy deikua cha, hrie leipa ta y beih vei. Pawzy hmoparaona ty sawzy chô liata patlôsa ta, chhâ thôhna nata chhâ palihna taihta a patlôsapa a châ,’ tahpa ta vaw reih ha chi ta.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

RAWMA 9:17

Chavâta Biehrai ta Phiraoh hnohta, “He hmo châta ei cha padua, ei hmotaotheina nâma liata paluahsa ta, khizaw zydua liata ei moh pathâhsapa ta a y thei nawpa ta,” a tahpa a châ.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

RAWMA 9:21

Beihlei tlo kha tawhta, zachhihpa ta hmâ awpa beih sôh viapa nata hmâ chakhyh awpa beih sôh lei viapa zy tao awpa ta, beihvituhpa cha beihlei chô liata bie hnei vei mâ?

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

1 THYSALAWNIKA 5:9

Khazohpa ta hiehâhna pasa tao awpa ta miah rao leipa ta, eima Beipa Zisu Krista zawhzi ta pachhana hmô awpa ta tlao miah a rao.

2 TIMAWTHY 2:20

O rônahpa liata tâkâ nata ngôh ta taopa hmobaohzy dei y leipa ta, tho nata beihlei ta taopazy chhao a y. Thokha sôh via ta, thokha a sôh lei via.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

1 PITY 3:20

âmo cha Nôah hro nota balyh tao chhôh zydua Khazohpa ta dao thei ngaitapa ta a hâ chhôh ta reingiahleipa thlahpazy kha ama châ. Balyh liana cha chyhsa chyhta, pacharie deita, ti tawhta ta pachhapa ama châ.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

2 PITY 3:15

Eima unawh kho ngaitapa Pawla chhao ta, a hnohta sona piepa lymâ hawhta nâmo lâ châ a ropa hawhna khata, eima Beipa daotheizie he pachhana ta rao teh u.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.