RAWMA 9:21 - Mara Bible RV (BSI)

²¹ Beihlei tlo kha tawhta, zachhihpa ta hmâ awpa beih sôh viapa nata hmâ chakhyh awpa beih sôh lei viapa zy tao awpa ta, beihvituhpa cha beihlei chô liata bie hnei vei mâ?

RAWMA 9:21 ပူးပေါင်းရင်းမြစ်များ

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 45:9

“Ano a Taotuhpa a chakhiapa cha a hu a po na! Alei beihzy hry liata alei beih pachaipa a châ. Beihlei ta beihvituhpa hnohta, ‘Khâpa ma na tao? Na hmotaopa cha, A patuna ku hnei vei dua?’ a tah thei ma?

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 9:11

hawsaihzy ama pi hlâta, hmo phapa tlyma, hmo chhiepa tlyma ama tao hlâta, hmotaopa vâta châ leipa ta, atlyhna kyh liata Khazohpa hmochhuahpa cha a sie pazao lymâ thei nawpa ta,

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?