RAWMA 9:20 - Mara Bible RV (BSI)

²⁰ Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?

RAWMA 9:20 ပူးပေါင်းရင်းမြစ်များ

2 SAMUELA 16:10

Châhrasala abei ta, “Nâmo, Zeru sawchapawzy saih u, a chahraoh khoh khah u. Abeipa ta, ‘Davi chhiesapa teh,’ a tahpa a châ khiahta cha, chhiesa thlâh ha sa. Ahy ma, ‘Khazia kha hawhta na tao’ a tah thei aw?” tah ta.

ZAWBÂ 16:3

Ziza biezy ta chhâna a hnei aw ma? Khâpa ta cha pareisa ta ma cha hawhta nâ chhy tly?

ZAWBÂ 33:13

Khazia ano cha chakhiapa ta, ‘Chyhsapa biezy la a chhy aw vei,’ na tah tly?

ZAWBÂ 36:23

Ahy ma a lâpi awpa raopa ta, Ahy ma, ‘Hmo do leipa na tao,’ a tah thei tly?

ZAWBÂ 40:2

“Taochheina a hmô thaipa ta Atotaotheipa a padei aw ma? Khazohpa a eituhpa ta Duah a chhy tua sa,” tah ta.

ZAWBÂ 40:5

Ei kha reih ha na ta, Châ chhy khao aw va na; Ei no ei reih haw, Pazao khao aw va na,” tah ta.

ZAWBÂ 40:8

Kei hmâchhâh ma adoleipa ta eina soh aw chi? Nâma nâ do thei nawpa ta ma kei thailei eina pachâ aw chi?

ZAWBÂ 9:32

Ryureina su lia a duah khoh ta, Ano cha a chhy awpa ta, Kei hawhta chyhsapa châ tlôh va.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 29:16

Hmo dia nama palie patheih khai haw! Beihvituhpa cha beihlei hawhta pachâpa ta, Hmotaopa ta a taotuhpa hnohta, “Ano ta na tao vei,” a tah thei ma? Hmo paysapa chhao ta a paysatuhpa cha, “Novâhna rai hnei vei,” a tah thei ma?

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 18:6

“Hy Izarei pathlazy saih u, beihvituhpa taopa hawhna khata cha tao thei veih eina ma? Abeipa ta a tah. Hy Izarei pathlazy saih u, pachâ teh u, beihvituhpa ku liata beihlei hawhna khata, nâmo chhao ei ku liata nama y.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MATHAI 20:15

Kei eih châ ta, kei eih cha ei khozie hawhta tao thei va na ma? Ei riaphapa ma na hiatlia kaw?’ tah ta.

LUKA 12:14

Châhrasala Zisu ta a hnohta, “Chyhsa, kei he ahy ma nâmo chô liata ryureituhpa nata ryu pachhaihtuhpa ta nâ tao?” tah ta.

RAWMA 14:4

Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

RAWMA 2:3

Hy chyhsapa, cha hawhpa hmo a tao tyhpazy a seituhpa y, nâ chhao kha, cha hawhta tao hra tlôh chi ta, Khazohpa pachiana khôkhâh nâ pangiasa ma?

RAWMA 9:21

Beihlei tlo kha tawhta, zachhihpa ta hmâ awpa beih sôh viapa nata hmâ chakhyh awpa beih sôh lei viapa zy tao awpa ta, beihvituhpa cha beihlei chô liata bie hnei vei mâ?

RAWMA 9:22

Khazohpa ta a hiehâhna palâsa ta, a hmotaotheina pahnosa awpa khoh hra sala, hiehâhna beih a leidia tlâhpazy chô liata palôh pasi ngaitapa ta a dao lylia khiahta cha, khâpa a pei aw?

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

1 KAWRINI 7:16

Hy lapinô y, na vahpa na pachha thei awpa nata pachha thei lei awpa kyh kheihta na pahno? Hy vahpa y, na lapinô na pachha thei awpa nata pachha thei lei awpa kyh kheihta na pahno?

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 TIMAWTHY 2:20

O rônahpa liata tâkâ nata ngôh ta taopa hmobaohzy dei y leipa ta, tho nata beihlei ta taopazy chhao a y. Thokha sôh via ta, thokha a sôh lei via.

TITU 2:9

Seizy cha kyh to liata ama zibeipazy rei a ngiahpa ta, ama zibeipazy ama palysa awpa châ ta, ama zibeipazy bie ama ei awpa châ vei.

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?