RAWMA 9:19 - Mara Bible RV (BSI)

¹⁹ Nâ ta ei hnohta, “Khazohpa ta khazia miah a maochhie thlâh ha chy? Ahy ma a khopa a dyuh thei?” na tah ualua aw.

RAWMA 9:19 ပူးပေါင်းရင်းမြစ်များ

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

2 THÂTIHZYRONA 20:6

“Hy Abeipa, miah pathlatuhpazy Khazohpa y, nâ cha vârâh liata Khazohpa châ va chi ma? Phopi to khinarâh chô liata ryureih chi ta, na ku liata hmotaotheina nata thatlôna y ta, ahy hmahta cha pakhâ thei veih ei.

ZAWBÂ 9:19

Tha hmâpa ta a tupa châ mawh sala, Pachâ tua, ano cha thatlôpa châ ta; Ryureina liata lyuhtuapa châ mawh sala, Ano cha ahy ma a aw thei aw tly?

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ISAI 29:16

Hmo dia nama palie patheih khai haw! Beihvituhpa cha beihlei hawhta pachâpa ta, Hmotaopa ta a taotuhpa hnohta, “Ano ta na tao vei,” a tah thei ma? Hmo paysapa chhao ta a paysatuhpa cha, “Novâhna rai hnei vei,” a tah thei ma?

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

MÂKA 14:21

Chyhsa Sawchapawpa cha, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa cha a hu a po na! Cha chyhsa cha pih leipa sala, a châta a pha via awpa tlai,” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

RAWMA 11:19

“Pazaopa ta ei y thei nawpa ta vei ma, a chiahzy cha thliepa a châ vei,” na tah thei.

1 KAWRINI 15:12

Krista cha athihpa hry tawhta pathyupa a châpa kyh phuahpa a châ tlôh khiahta cha, kheihtazieta nama hry liata thokha ta athihpa thyuheihna y vei nama tah thei?

1 KAWRINI 15:35

Thokha ta, “Kheihta ma athihpazy cha pathyupa ama châ aw? Pôhpa kheihawhpa hneipa ta ma amâ vy aw?” nama tah thei ngyu aw.

ZÂMIE 1:13

Ahy hmahta reipasaona â tyh tita, “Khazohpa ta eina reipasao,” tah khah sy. Khazohpa cha moleina ta reipasao thei rimâ awpa châ leipa ta, ano chhao ta ahy hmah reipasao beih vei.

ZÂMIE 2:18

Chyhsa ahy tlyma ta, “Nâ ta ngiapâna hnei chi ta, kei ta hmotaopa ei hnei,” a tah thei. Hmotaopa a hlao leipa nâ ngiapâna cha na pahmô tua, kei ta ei ngiapâna cha ei hmotaopa ta ei cha pahmô aw.