RAWMA 8:9 - Mara Bible RV (BSI)

⁹ Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

RAWMA 8:9 ပူးပေါင်းရင်းမြစ်များ

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

ZAWHÂNA 14:17

Cha cha biehmeiseihpa Thlahpa, khizaw ta a hnei leipa a châ. Khizaw ta ano cha hmô leipa ta, pahno vei. Nâmo deikua ta cha, nama hnohta y ta, a y lymâ awpa vâta, ano cha nama pahno.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

ZAWHÂNA 3:6

Sapa ta a pihpa cha sapa châ ta, Thlahpa ta a pihpa cha thlahpa a châ.

HMOTAOPAZY 16:7

Mysia râh ama tlô nahta, Bithunia râh liata a ngia a chhuah ei ta, châhrasala Zisu Thlahpa ta pasai leipa ta.

RAWMA 7:5

Sapa ta eima y no kha, ryhpa ta molei khonazy papua tyh ta, eima pôhpa pachiahpazy liata thina thei pathei awpa ta rai a hria tyh.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 6:17

Abeipa a pazaopa deikua cha, ano nata Thlahpa miakha ama châ.

1 KAWRINI 6:19

Nama pôhpa cha Khazohpa tawhta nama daopa, nama chhôh liata a ypa Thlahpa Pathaihpa Achhyna o a châ tahpa pahno veih ei chi mâ? Nâmo eih châ khao veih ei chi,

2 KAWRINI 10:7

Nama mohmô liata a ypazy kha moh tua u. Ahy rai Krista eih a châpa â lôh khiahta cha, ano Krista eih a châpa hawhta, keimo chhao Krista eih eima châzie pahno chanei heih mawh sy.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

EPHESI 3:17

Chatanachata Krista cha ngiapâna vâta nama palôhzy liata pahrâ aw ta, a kyhpachâna liata thari thlapa nata abôna hneipa ta y thei aw ei chi ta,

PHILIPI 1:19

Nama thlahchhâna vâta nata Zisu Krista Thlahpa baona vâta, cha hmo cha papuapa ei châ nawpa a châ aw tahpa ei pahno.

2 TIMAWTHY 1:14

Keimo liata a pahrâpa Thlahpa Pathaihpa hmâpa ta, na hnohta pavaosapa hmo phapa kha vaih mah y.

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

1 ZAWHÂNA 3:24

A biepiepazy a zyhpa cha Khazohpa liata y ta, Khazohpa chhao ano liata a y. Thlahpa miah a piepa liana heta, Khazohpa cha keimo liata a y tahpa eima pahno.

1 ZAWHÂNA 4:13

A Thlahpa miah a piepa liana heta, ano liata y pi ta, ano chhao keimo liata a y tahpa eima pahno.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.