RAWMA 8:7 - Mara Bible RV (BSI)

⁷ Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

RAWMA 8:7 ပူးပေါင်းရင်းမြစ်များ

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

ZAWBÂ 15:13

Na thlahpa ta Khazohpa chakhia chi ta, Cha hawhpa bie cha na pakah tawhta a pua tly?

HLAZY 53:1

Ahrupa ta a palôh liata, “Khazohpa y vei,” a tah tyh. Avyuhna tao ei ta, Moleina pasi chhihpa tao ei ta, Hmo pha a taopa rai y veih ei.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

EZEKIA 14:5

Chatanachata ama khazoh nothlahpazy vâta lôh hro nâ phaosai hapa Izarei pathlazy pathipalôh cha ei patu heih thei ngyu aw.’

MATHAI 12:34

Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 5:19

Chavâta ahy rai, he biepiepazy hry liata a chyh chaipa miakha chhao pahua ta, cha hawhta tao hra awpa ta mohropazy a pachupa cha, vârâh khinarâh liata a chyh chaipa ta reipa châ aw ta, ahy rai Ryhpa chyh chaipa chhao zyh ta, a pachupazy deikua cha, vârâh khinarâh liata rônahpa ta bipa ama châ aw.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 1:30

Chyhsa a reipachhiepa, Khazohpa a haopa, a patahsapa, a palaipa, a pahôpahâhpa, moleina khaohvâh a pahnopa, nôpaw rei a ngiah leipa,

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 7:22

Ei palôh ta Khazohpa ryhpa liata a ly na ta,

RAWMA 8:4

Chatanachata keimo, sapa ta hroh khao leipa ta, Thlahpa ta a hroh hapazy liana heta, ryhpa ta â hnawpa siana cha pakipa ta a y aw.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 KAWRINI 9:21

Khazohpa ryhpazy zyh leipa ta y tlôh leipa ta, Krista ryhpa ry liata a ypa châ hraw sah la, ryhpa hnei leipazy ei pahnie thei nawpa ta, ryhpa hnei leipazy hnohta ryhpa hnei leipa hawhta ei y tyh.

KAOLAOSÂ 1:21

Nâmo chhao eikhano cha, moleinazy taopa ta, Khazohpa nata a maniah ei chi ta, nama palôh ta ano khakhaipazy nama châ.

KAOLAOSÂ 2:18

Ahy hmahta areisina pakheipa nata vâlyuhchâpazy achhyna a duakheipa ta, nama lymâ hmô thei lei awpa ta cha tao khah ei sy. Cha hawpa chyhsa cha aluahna a hmôpazy kyh â kichopa ta reih tyh ta, a chhâpa y leipa ta sapa palôh ta thata â palai tyh.

2 TIMAWTHY 3:4

piehpiepazy, hmiahnoh rao leipazy, apasâhsapazy nata Khazohpa hlâta khizaw haosai a tlaichhai viapazy ama châ aw.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.