RAWMA 8:37 - Mara Bible RV (BSI)

³⁷ Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

RAWMA 8:37 ပူးပေါင်းရင်းမြစ်များ

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

RAWMA 8:35

Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

1 KAWRINI 15:54

Thu theipa cha thu thei leipa ta a tobipa ta, thi theipa cha thi thei leipa ta â tobi tita, “Thina cha pahniena ta a palâ haw.

1 KAWRINI 15:57

Châhrasala eima Beipa Zisu Krista zawhzi ta pahniena miah pietuhpa Khazohpa cha reithaipa ta y mawh sy.

2 KAWRINI 12:19

Eima thaichâna bie eima cha rei thlupa hawhta ma nama pachâ? Kho ngaitapa saih u, nâmo taopathi nawpa ta Khazohpa mohmô ta Krista liata bie eima reipa a châ.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

2 KAWRINI 2:14

Krista liata pahniena ta khâ miah a chhituhpa nata keimo hmâpa ta su to liata ano pahnona ropahâhpa a patheisatuhpa Khazohpa cha reithaipa ta y mawh sy.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

1 ZAWHÂNA 4:10

He he kyhpachâna cha a châ: Keimo ta Khazohpa kyh eima pachâpa vâta châ leipa ta, ano ta kyh miah pachâ ta, eima moleinazy reihpha chei nawpa ta a Sawchapawpa a vaw tuapa hih.

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.

1 ZAWHÂNA 4:4

Sawzy saih u, nâmo la, Khazohpa tawhtapa châ ei chi ta, nâmo liata a ypa cha khizaw liata a ypa hlâta a rônah viapa vâta, chazy cha nama tiah haw.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.