RAWMA 8:36 - Mara Bible RV (BSI)

³⁶ “Nâma vâta noh y ta thiepa ta y pi ta, Mietaku thie awpazy hawhta pachâpa eima châ,” tahpa ta ropa a châ.

RAWMA 8:36 ပူးပေါင်းရင်းမြစ်များ

HLAZY 141:7

Chyhsa ta alei palie ta alei a pazaopa hawhta, Eima ruzy Athihkhih pakah liata hiepatlapa ta a y aw.

HLAZY 44:11

Thie awpa mietaku hawhta miah tao chi ta, Phopizy hry liata miah na hiepatla haw.

HLAZY 44:22

Nâma vâta noh y ta thiepa ta y pi ta, Mietaku thie awpa hawhta pachâpa eima châ.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 12:3

Hy Abeipa, kei deikua cha na pahno chi ta, Na hmô chi ta, nâ lâta ei palôh phao na pasia tyh. Mietaku thie awpa hawhta âmo cha a daophi la, Thiena noh châta âmo cha soh nano mah y.

ZEREMIAH 51:40

Mietakutaw thie awpazy hawhta A chhi aw ei na ta; Mietaku tôhpa nata mie tôhpa thie awpazy hawhta, Ei chhi aw ei.

ZAWHÂNA 16:2

Pakhyna ozy tawhta cha papua aw ei ta, châ thiepa maihta Khazohpa chakaona rai a hriapa hawhta amâ pachâ nawpa daihti a vaw tlô hai.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

HMOTAOPAZY 8:32

He he Ethiôpia molaipa ta a reipa Biehrai cha a châ: “Thie awpa mietaku hawhta Ano cha a chhi ei ta, A hmi ngyutuhpa hmiakô liata Mietakutaw â chalih thlâh hapa hawhta, Ano chhao a pakah â vei.

1 KAWRINI 15:30

Khâpa vâta ma keimo chhao he dawh tato ta hro chichhihpa ta eima y tyh?

1 KAWRINI 15:31

Unawh saih u, Krista Zisu eima Beipa liata ei châ palaikhei kaw ei. Chavâta ei reih aw, noh chareih ei thi tyh!

1 KAWRINI 4:9

Khizaw nata vâlyuhchâpazy nata chyhsazy mo phapa châ awpa ta, keimo, lyuhchâpazy pi he, thie awpa ta pathlupa chyhsazy hawhta, Khazohpa ta a hnôh chai ta miah a chaluahpa châ khiah ma ei tah tyh.

2 KAWRINI 1:9

Hmeiseihta la, thi awpa ta eimâ pachâ hapa a châ. Châhrasala keimo a ngâ leipa ta, athihpa pathyutuhpa Khazohpa eima ngâ thei nawpa ta, kha hmo kha a vaw ypa a châ.

2 KAWRINI 11:23

Krista chakaotuhpazy ama châ ma? Âmo hlâta ei châ via. Ahrupa bie rei ta reih aw sah la, âmo hlâta hriapasa via syulyu na ta, patâh hluh viapa châ na ta, a ei rei tiah lei ta chhei hluh viapa châ na ta, thi theina duahmo chhao ei tyh hluh via syulyu.

2 KAWRINI 6:9

Pahno khi leipa ta pachâpa châ pi ta, châhrasala chyhsa to pahnopa eima châ. Thi awpa ta pachâpa châ pi ta, châhrasala moh tua u, eima hro thlâh ha hih. Hriepa châ pi ta, châhrasala thiepa châ ma pi.

PHILIPI 3:10

Chatanachata Krista nata a thyuheihna hmotaotheina cha pahno aw na ta, a rietheitaona liata a hlao hrapa ta, a thina liata ano hawhta thi hrapa ta,