RAWMA 8:35 - Mara Bible RV (BSI)

³⁵ Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

RAWMA 8:35 ပူးပေါင်းရင်းမြစ်များ

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY HLA 3:4

Âmo ei khôpa nah ei ta, Lôh rie ei ngiabâh chaipaw cha hmô na ta; Ei hmôpa nahta patu na ta, Ei nô o lâ ei chhi hlâlei cha, Nâ phaohtuhpa chhôhpadâhpa lâ ei chhi hlâlei cha, Pathlie khao va na.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZAWHÂNA 10:28

Chhâzaw hrona pie ei na ta, leidia beih khao aw veih ei. Âmo cha ahy hmahta ei ku tawhta na chhu thei aw veih ei.

ZAWHÂNA 13:1

Zawpakhô kyhchhi hlâta, Zisu ta he khizaw he puasaipa ta Paw lâ a sie daihti a tlô haw tahpa a pahno nahta, a chyhsa khizaw liata a ypa kyh a pachâ tyhpazy cha, a chhâna taihta ama kyh pachâ ta.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

RAWMA 2:9

Moleina a taopa chyhsa to chô liata rietheipasana nata pachârôhna vaw tlô aw ta, Zu chyhsa chô liata tlô tua aw ta, Krikâh chyhsa chô liata chhao a tlô aw.

RAWMA 8:17

Sawzy eima châ khiahta cha, ryutotuhpazy eima châ. Khazohpa ryu totuhpazy châ pi ta, Krista ryutolâhpazy eima châ. A hnohta riethei eima tao khiahta cha, a hnohta palyupalihpa ta eima y hra aw.

RAWMA 8:37

Pachhaih bao va! Cha zydua liana chata kyh miah pachâtuhpa vâta, pahnietuhpazy hlâta rônah viapa eima châ.

RAWMA 8:39

asâhna nata athuna tlyma, hmotaopa zydua liata hmo hropa khâpa ta hmah eima Beipa Krista Zisu liata a ypa Khazohpa kyhpachâna tawhta miah pachhaih thei aw vei tahpa a sia ngaitapa ta ei pahno.

1 KAWRINI 4:11

Tahmâ taih chhao heta nodipa ta eima dâhphi ta, chysia miah vao leipa ta, taochhiepa ta y pi ta, o chhao hnei ma pi.

1 KAWRINI 4:12

Keimo ku ta hria pi ta, eima hriapasa ngaita. Pasipasawhpa ta eima y nahta, byhnâ awpa pi ta; taolapa ta eima y nahta, eima tao hualua tyh.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

2 KAWRINI 4:8

Kyh to liata chaiepa ta y pi ta, châhrasala eima hu po vei. Nôpopa ta y pi ta, châhrasala eima hnabeidy vei.

2 KAWRINI 4:9

Taolapa ta y pi ta, châhrasala siesaipa ta y ma pi. Chheipa ta y pi ta, châhrasala pahleipadiapa châ ma pi.

EPHESI 3:19

Novâhna hlâta a sâh viapa Krista kyhpachâna pahno aw ei chi ta, Khazohpa pakina ta pabiepa nama châ aw.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

2 TIMAWTHY 1:12

Cha vâna chata he hmozy chhao he pasa ei tao. Châhrasala ei noza vei. Ei ngiapâpa cha pahno na ta, ano ei pavaosapazy cha, cha noh châta â bohpa ta a vaih thei tahpa a siapa ta ei pahno.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,