RAWMA 8:30 - Mara Bible RV (BSI)

³⁰ A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 8:30 ပူးပေါင်းရင်းမြစ်များ

ISAI 41:9

Alei chhâna tawhta cha la na ta, Alei ki chhâna tawhta ei cha aw; Na hnohta, “Nâ chakaotuhpa châ chi ta, Châ tlyh ha na ta, Cha thy pathlah aw va na,” Ei tahpa na châ.

ZAWHÂNA 17:22

Nâ nata kei pôhkha eima châpa hawhna heta, âmo chhao pôhkha ama châ thei hra nawpa ta, rônahna eina piepa chi kha âmo ei pie ei.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

RAWMA 1:6

Cha chata nâmo, Rawma khih liata a ypa, Zisu Krista eih châ awpa ta awpa zydua chhao a cha pahly ei.

RAWMA 11:29

Khazohpa hmosaipiepazy nata a awna cha panano heih theipa châ vei.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 8:21

Hmotaopazy tlai chhao cha thu theina sei tawhta papuapa châ aw ei ta, Khazohpa sawzy khotalaina rônahpa liata amâ ngia hra aw.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 1:9

A Sawchapawpa eima Beipa Zisu Krista akaona liata nâmo châ awtuhpa Khazohpa cha ngâchhihpa a châ.

1 KAWRINI 2:7

Eima rônah nawpa ta Khazohpa ta khizaw y hlâta a vaw rao chhielie hapa, Khazohpa sona bieru nata bienyupa tlao eima pachu tyh.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

KALATIA 1:6

Krista ngiachhiena zawhzi ta nâmo châ awtuhpa siesaipa ta, thâtihpha hropa lâta thlai nama tlei thlâhpa he, noâh ei tah ngaita!

KALATIA 5:8

Cha pasyuna cha nâmo châ awtuhpa tawhta châ vei.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

EPHESI 1:5

ano khozie nata â lyzie hawhta, Zisu Krista liata a sawzy ta tao awpa ta miah a vaw rao chhielie haw.

EPHESI 2:6

Krista Zisu hnohta miah pathyu ta, avâ suzy liata ano hnohta miah a patyusa haw.

EPHESI 3:11

Cha cha Khazohpa chhâzaw hmochhuahpa châ ta, eima Beipa Krista Zisu liata a vaw patlôsa.

EPHESI 4:4

Pôhpa miakha nata Thlahpa pakha dei y ta, cha hawhna chata, awpa nama châ nona kha, hnabeiseihna miakha hnei awpa ta awpa nama châ.

KAOLAOSÂ 3:4

Krista eima hrona cha â vaw luah tita, nâmo chhao ano hnohta rônahpa ta namâ luah hra aw.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

2 TIMAWTHY 2:11

He bie he ngâ â chhih: A thina liata eima thi khiahta cha, A hrona liata eima hroh hra aw;

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.