RAWMA 8:3 - Mara Bible RV (BSI)

³ Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

RAWMA 8:3 ပူးပေါင်းရင်းမြစ်များ

MALUHREINA 21:9

Cha hawhna chata Mawsi ta dawh parih tao ta, atôh liata chaluah ta. Parih pachupa maihta dawh parih cha ama moh nahta, hroh lymâ ei ta.

MALUHREINA 28:22

Nama châta chatlaina tao nawpa ta moleina hlâna châta mie tôhpa pô kha nama hlâ aw.

MÂKA 15:27

Zisu hnohta hraotuhpa pano, a chachâh lâta pakha, a chavei lâta pakha khaipâ hra ei ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 9:24

Chatanachata mochaopa cha a ei nona ta aw heih ei ta, a hnohta, “Khazohpa reithai teh. Kha chyhsa kha moleipa a châ tahpa eima pahno,” tah ei ta.

HMOTAOPAZY 13:39

Ahy rai a ngiapâpa maih cha ato liata thai pachâsapa ta ama y. Mawsi ryhpa ta la, chazy liata thai pachâsapa ta y thei veih ei chi.

RAWMA 3:20

Ryhpa vâta moleina pahnona vaw y ta, chavâta chyhsapa ahy hmahta hmotaopa vâta Khazohpa mohmô ta thaichâ thei aw veih ei.

RAWMA 6:6

Moleina a phaohpa pôhpa he pahleipadiapa ta, moleina sei ta eima y khao lei nawpa ta, eima chyhsa parohpa cha a hnohta khaipâpa ta a y haw tahpa eima pahno.

RAWMA 7:18

Ei sapa liata hmo phapa rai y vei tahpa ei pahno. Hmo pha tao khona keima liata y ta, châhrasala tao theina hnei va na.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

KALATIA 3:21

Cha khiahta la, ryhpa ta Khazohpa bietaizy a chakhia ma? Chakhia bao va! Hrona a pie theipa ryhpa piepa a châ khiahta cha, siana chhao cha ryhpa vâta a y thei aw.

PHILIPI 2:7

anosasyh ta a parua khai ta, sei ta a taopa ta, chyhsapa hawhta vaw pih ta.

HEBRAI 10:12

Krista deikua cha, moleinazy châta atheihna miakha, chhâzaw châta ei kha a hlâ khai tawhta, Khazohpa chachâh lâta a tyuh ta,

HEBRAI 10:14

Ei kha â hlâna ta a pathaisa hapazy cha, chhâzaw châta a pakipa ha ei.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.