RAWMA 8:26 - Mara Bible RV (BSI)

²⁶ Cha hawhna chata, Thlahpa ta eima chiehleinazy liata miah a bao tyh. Thlahchhâ nawpa chybia chhao eima pahno lei nota, Thlahpa ta ahrôna rei hlei thei leipa ta thlah miah a chhâpa tyh.

RAWMA 8:26 ပူးပေါင်းရင်းမြစ်များ

ZAWBÂ 37:19

“Ano liata eima rei awpa cha miah pachu mah y, Zohna vâta a pachâna eima pahno khao vei hih.

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

HLAZY 102:20

Atâhpazy ahrôna theipa ta, Thi awpa ta raopazy pathlie awpa ta.

HLAZY 102:5

Thata ta a hrô na ta, Ei rupazy ei vo liata â lâ khai haw.

HLAZY 6:3

Ei hro nôpo ngaita ta, Hy Abeipa, khati taih a châ aw tly?

HLAZY 6:9

Abeipa ta ei hiana thei ha ta, Abeipa ta ei thlahchhâna â pyh haw.

HLAZY 69:3

Ei awna ta ei thachhâ ta, Ei rao chhao hi khai ha ta, Ei Khazohpa ei hâna ta ei mo a zoh khai haw.

CHAPHÔHTUNA 3:56

Ei ao thei chi ta, Baona hiapa ta ei awna liata na nah rie a chahu khah y;

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MATHAI 10:20

Bie a reih awpa cha nâmo châ veih ei chi, nama Paw Thlahpa ta nâmo hmâpa ta tlao a reih aw.

MATHAI 20:22

Zisu ta âmo cha a chhy ta, “Nama hiapa pahno veih ei chi. Ei nyu do awpa nama doh thei aw ma?” tah ta. Âmo ta, “Eima doh thei aw,” tah ei ta.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

ZAWHÂNA 14:16

Paw lâ hiah aw na ta, chhâzaw ta nama hnohta y awpa ta, Thlapalôhtuh hropa a cha pie aw ei.

RAWMA 15:1

Keimo, thatlôpazy pi heta keimo alyna tlua leipa ta, chiehleipazy ama pachyu leina liata eima bao awpa a châ.

RAWMA 7:24

Chyhsa ngiachhiechhihpa ei châ kaw dia! He thina pôhpa tawhna heta ahy nâ pachha aw?

RAWMA 8:15

Chipa ta y heih awpa ta seichâna thlahpa nama topa châ leipa ta, saw châna Thlahpa tlao to ei chi ta, cha Thlahpa vâna chata “Âbâ! Ei paw!” tahpa ta eima aw theipa a châ.

2 KAWRINI 5:2

Vâ atobina ta a tobi awpa vâpa ta, he lei byureih liana heta eimâ rôh tyh.

2 KAWRINI 5:4

He lei byureih liata eima y chhôh cha phaohripa ta eimâ rôh tyh. A tobi leipa ta y awpa eima khohpa vâta châ leipa ta, a tobi via awpa eima khohpa vâta tlao a châ. Chatanachata he thi theipa he hrona ta a palâ ha aw.

KALATIA 4:6

Sawchapaw nama châpa vâta Khazohpa ta a Sawchapawpa Thlahpa cha eima palôh chhôh liata za tuah ta, “Abba! Ei Paw!” tahpa ta a aw tyh.

EPHESI 2:18

Ano siepahliepa ta Thlahpa miakha ta Paw a hnia theina eima py no ta eima hnei.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

HEBRAI 4:15

Eima chiehleinazy miah a pahnokhei thai leipa theihthai beichaipa a hneipa châ leipa pi ta, keimo hawhta kyh to liata reipasaona a tyh ta, châhrasala a molei leipa theihthai beichaipa eima hnei.

HEBRAI 5:2

Ano chhao chiehleina a hneipa a châpa vâta, pahno leipazy nata lâpi paviapazy cha chado kawpa ta a chhihtha thei ei.

ZÂMIE 4:3

Hiah ei chi ta, nama hiapa su leipa ta, nama aohraohna châta hmâ awpa ta nama hiapa vâta, hmô veih ei chi.