RAWMA 8:23 - Mara Bible RV (BSI)

²³ Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.

RAWMA 8:23 ပူးပေါင်းရင်းမြစ်များ

2 THÂTIHZYRONA 31:5

Biepiepa a pathâhpa nahta, Izarei sawzy ta ama lyu liata a veih tuachaipa sâh, kresawhti, sathaw nata kheihti zy thata vaw thyu ei ta. Ama hneipa to tawhta su hrawh su kha chhao thata vaw thyu ei ta.

LUKA 20:36

Thi thei khao aw veih ei. Thyuheihna sawzy ama châpa vâta, Khazohpa sawzy châ ei ta, vâlyuhchâpazy hawhta ama châ haw.

LUKA 21:28

Cha hmozy a vaw tlô pathao tita, nama pachhana cha a hnia ha ta, thyu u la, avâ lâ moh muh vy,” tah ta.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

RAWMA 5:3

Cha dei châ vei, eima rietheina liata chhao a lypa ta eima y. Rietheina ta tiamana tao ta,

RAWMA 5:5

Thlahpa Pathaihpa miah a piepa khata Khazohpa kyhpachâna eima pathipalôh liata a hry hapa vâta, cha hnabeiseihna chata maophyuhpa ta miah paysa vei.

RAWMA 7:24

Chyhsa ngiachhiechhihpa ei châ kaw dia! He thina pôhpa tawhna heta ahy nâ pachha aw?

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

1 KAWRINI 1:7

Chavâta eima Beipa Zisu Krista aluahna nama hâna liata, thlahpa hmopiepa khâpa hmah a phahla veih ei chi.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

2 KAWRINI 7:5

Mâsidônia râh eima vaw tlô nota, eima pôhpa a pahâ beih leipa ta, su to liata riethei pataosapa ta eima y. Khôtho lâta miah a dyuh ei ta, chhôh lâta china ta miah a khu.

KALATIA 5:5

Keimo deikua la, Thlahpa zawhzi ta, ngiapâna vâta siana to awpa hnabeiseihpa ta, a ngiatiah leipa ta eima hâ.

EPHESI 1:14

Ano cha Khazohpa rônahna reithai nawpa ta, Khazohpa ta a ryutozy a chatlai hlâ chhao ta, cha ryuto cha eima hmô tlai aw tahpa pa-ina sôhkâ a châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.